އައްޑޫ ލިންކު ރޯޑުގައި ރޭ ފަތިހު ހިނގި އެކްސިޑެންޓެއްގައި އަނިޔާވި މީހަކަށް ފަރުވާ ދެމުންދަނިކޮށް މަރުވެއްޖެއެވެ.
މަރުވެފައިވަނީ ސ. ހިތަދޫ، ނަޔާބު، ހަސަން އަލީ (59އ)އެވެ. އޭނާ އެކްސިޑެންޓުވީ ފަތިހު 5:30 ހާއިރު ސ. ގަމަށް ޑިއުޓީއަށް ދަނިކޮށް ހިތަދޫ ގައުކެޑި ސަރަހައްދުން ކަސްރަތު ކުރުމަށް ނިކުމެ އުޅުނު މީހެއްގެ ގައިގައި ޖެހިގެނެވެ.
މިހާދިސާގައި ހަސަން އަލީގެ ބޮލަށާއި މޫނަށް ބޮޑެތި އަނިޔާތަކެއް ލިބި ފަރުވާ ދެމުން ދިޔައީ އައްޑޫ އިކުއިޓޯރިއަލް ހޮސްޕިޓަލްގެ އައިސީޔޫގައެވެ.
ހަސަން އަލީ އަކީ ސ. ގަމުގައި ހުންނަ އެސްޓިއޯ ރަށްގޭގައި މަސައްކަތް ކުރާ މީހެކެވެ. މި ހާދިސާގައި ހަސަން އަލީ ދުއްވި ސައިކަލުން ޖެހުނު މީހާއަށް ސީރިއަސް އަނިޔާއެއް ލިބިފައި ނުވާކަމަށް މައުލޫމާތު ލިބެއެވެ.
ތަފްސީލް އަންނަނީ…