މިއަދު ކުޅުދުއްފުށީގައި ފުލުހުން ކުޅުނު ފޫޓްބޯޅަ މެއްޗެއްގައި ހޯމް މިނިސްޓަރ އިމްރާން އަބްދުﷲ ކަކޫ ނިވާނުވާ ވަރުގެ ސޯޓެއްގައި ހުންނެވުމުން އަދާލަތު ޕާޓީގެ އިލްމްވެރިންގެ މަޖިލީހުގެ ރައީސް ޑރ.މުހައްމަދު އިޔާޒް އެކަމަށް ފާޑު ވިދާޅުވެއްޖެ އެވެ.
އަދާލަތު ޕާޓީގެ ރައީސް ޝެއިހް އިމްނާން ކަކޫ ނިވާނުވާވަރުގެ ސޯޓެއްގައި ހުންވައިގެން ބައިވެރިވަޑައިގެންނެވީ ކުޅުދުއްފުށީ ޕޮލިސް ފޫޓްސަލް ދަނޑު ހުޅުވާ ދެއްވުމަށްފަހު ކުޅުނު ފުޓުބޯޅަމެޗެއްގަ އެވެ.
އެކަމަށް އިޝާރާތްކުރައްވާ ޑރ.އިޔާޒް ވިދާޅުވީ ޢައުރަ ނިވާ ކުރުމަކީ ވަކި މީހަކު ކުރަންޖެހޭ ކަމެއް ނޫން ކަމަށާއި އެންމެންވެސް ކުރަންޖެހޭ ކަމެއް ކަމަށެވެ. އަދި ޚާއްޞަގޮތެއްގައި އެހެންމީހުންނަށް ނަމޫނާ އަކަށް ވާންޖެހޭ އިމްރާން ފަދަ ބޭފުޅަކު ކަކޫ ފެންނަ ހެދުމެއްގައި ޢާއްމުންގެ ތެރެއަށް ނިކުންނެވުމަކީ ބަލައިގަނެވޭނެ ކަމެއް ނޫން ކަމަށް އޭނާ ވިދާޅުވި އެވެ.
ޢައުރަ ނިވާ ކުރުމަކީ ވަކި މީހަކު ކުރަންޖެހޭ ކަމެއް ނޫން. އެންމެންވެސް ކުރަންޖެހޭ ކަމެއް. ޚާއްޞަގޮތެއްގައި އެހެންމީހުންނަށް ނަމޫނާ އަކަށް ވާންޖެހޭ @ShimranAb ފަދަ ބޭފުޅަކު ކަކޫ ފެންނަ ހެދުމެއްގައި ޢާއްމުންގެ ތެރެއަށް ނިކުންނެވުމަކީ ބަލައިގަނެވޭނެ ކަމެއް ނޫން.
— Dr.Mohamed Iyaz (@dr_iyaz) November 5, 2021
ޑރ.އިޔާޒްގެ އެ ޓުވީޓާއެކު އިމްރާނަށް މިހާރު ބަދަލުއައިސްފައިވާ ކަމަށްބުނެ އާއްމު ބައެއް މީހުންވެސް ވަނީ ފާޑުކިޔާފަ އެވެ.
Minister of Home Affairs @ShimranAb and Commissioner of Police @M_Hameedh inaugurates Kulhudhuffushi Police Futsal Ground. The inauguration was further complemented by a friendly match between a multi-agency #AvattetiPolice team from Kulhudhuffushi and senior police officers pic.twitter.com/7L8XmPOunw
— Maldives Police (@PoliceMv) November 5, 2021
މި ފުޓުބޯޅަ މެޗްގައި އިމްރާންގެ އިތުރުން ޕޮލިސް ކޮމިޝަނަރު މުހައްމަދު ހަމީދާއި ސީނިއާ ބައެއް ޕޮލިސް އޮފިސަރުން ބައިވެރިވަޑައިގެންނެވި އެވެ.