ޖޯން އަބްރަހަމް އާއި ސުޖިތު ސިރްކާސްއަކީ "ވިކާ ޑޯނާސް" ބެލުންތެރިންނާ ހަމައަށް ގެނެސް ދިން ކާމިޔާބު ދެ ފަންނާނުންނެވެ.
އެ ދެ މީހުން މީހުން ތައްޔާރު ވަމުން އަންނަނީ "1911" އަށެވެ. މިއީ ފުޓްބޯޅައިގެ ބިނާކޮށް ހަދާ ފިލްމެކެވެ. ވާހަކަ ބިނާކޮށްފައި ވަނީ ހަގީގީ ހާދިސާތަކެއްގެ މައްޗަށެވެ.
ދާދި ފަހުން ކައިވެި ކުރި ޖޯން އާ އެކު ފުޓްބޯޅަ ޓީމްގަައި ޑައިރެކްޓަރު ސުޖިތު ވެސް މުހިއްމު ރޯލަކުން ފެނިގެން ދާނެ އެވެ. ޖޯން ހިމަނައިގެން "މެޑްރާސް ކެފޭ" މިދިޔަ އަހަރު ގެނެސް ދިން ސުޖިތު ވަނީ އެކަން ކަށަވަރު ވެސް ކޮށްދީފަ އެވެ.
"އަހަންނަކީ ވެސް ވަރަށް ބޮޑަށް ފުޓްބޯޅަ އަށް ލޯބި ކުރާ މީހެއް. އެހެންވެ ފުޓްބޯޅަ އަށް ބިނާކޮށް ފިލްމެއް ހަދާނީ ޖޯންގެ ވެސް ރެކްއެސްޓާ އެކު ފިލްމުގެ ބައެއް ކުޅެން ނިންމީ،" އޭނާ ބުންޏެވެ.
ޖޯންއަކީ ފުޓްބޯޅަ އަށް އާ ތަރިއެއް ނޫނެވެ. މީގެ ކުރިން ވެސް އޭނާ ވަނީ ފުޓްބޯޅައިގެ ބިނާކޮށް ހެދި ފިލްމެއްގެ ލީޑް ރޯލް ކުޅެފަ އެވެ. އެއީ "ދަންދަނާ ދަން ގޯލް" އެވެ.
އެ ފިލްމުގައި ޖޯން އާ އެކު އަރްޝަދު ވަރުސީ އާއި ބޮމަން އިރާނީ ފަދަ ތަރިން ފެނިފައިވެ އެވެ. އަދި އެ ފިލްމުގެ ބަތަލާއަކީ ޖޯންގެ ކުރީގެ ލޯބިވެރިޔާ ބިޕާޝާ ބާސޫ އެވެ.
"1911" ގެ ސްކްރީންޕްލޭ ލިޔެފައި ވަނީ ސޯމިކް ސެން އެވެ. އެއީ އަންނަ މާޗް 7 ގައި ސިނަމާތަކަށް އަންނަ މަދޫރީ ޑިކްޝިޓާއި ޖޫހީ ޗަވްލާގެ "ގްލާބް ގޭންގް" ގެ ޑައިރެކްޓަރު ވެސް މެ އެވެ.