އައްޑޫން ޕެޓްރޯލް ލިބުން ދަތުވެ، އާންމުންގެ ޝަކުވާތައް ބޮޑުވެއްޖެ އެވެ.
ގިނަ އަދަދެއްގެ އެއްގަމު އުޅަނދު ދުއްވާ އައްޑޫގައި ޕެޓްރޯލް ލިބުން ދަތިވުމާ ގުޅިގެން، ދަތުރުފުތުރަށް ވެސް އޭގެ އަސަރުކޮށްފައިވާ ކަމަށް ބައެއް ޓެކްސީ ޑްރައިވަރުން ބުންޏެވެ.
އައްޑޫގައި ހުރި ގިނަ ތެޔޮ ޝެޑްތަކުން ޕެޓްރޯލް ހުސްވެފައި ހުރި ނަމަވެސް، މަދު ތަނަކުން ޕެޓްރޯލް ލިބެން ހުރިކަން ބައެއް ފަރާތްތަކުން ފާހަގަ ކުރެ އެވެ.
ތެލުގެ ވިޔަފާރި ކުރާ ސަރުކާރުގެ ވިޔަފާރި ކުންފުނި އެސްޓީއޯގެ ސަބްސިޑަރީ ކުންފުނި އެފްއެސްއެމް އިން ގަމުގައި ހިންގާ ތެޔޮ ޝެޑުން ވާހަކަ ދެއްކި މީހަކު ބުނީ، ޕެޓްރޯލްގެ ސަޕްލައި މަދުވުމާ ގުޅިގެން، ޕެޓްރޯލް މިހާރު ވިއްކަނީ ލިމިޓްކޮށްގެންނެވެ.
އެގޮތުން ސައިކަލެއް އަޅައި ދެނީ 20ރ. ގެ ޕެޓްރޯލެވެ. އަދި ކާރަކަށް އަަޅައި ދެނީ 100ރ. ގެ ޕެޓްރޯލެވެ.
އޭނާ ބުނީ މާދަމާ ޕެޓްރޯލް ލިބޭނެ ކަމަށާއި އޭރުން ޕެޓްރޯލް ލިބުމަށް ދިމާވެފައިވާ ދަތި ކަމަށް ހައްލެއް އަންނާނެ ކަމަށެވެ.