މާލޭގެ ދެ މިސްކިތަކަށް ވަދެ އެތަންތަނަށް ކުޑަކަމުދިޔަ މީހާ އަށް ދައުވާކުރަން ފޮނުވައި ބަންދުން ދޫކޮށްލާފައި ހުއްޓާ މިސްކިތަކަށް ވަދެ ހަތިމަކަށް ކުޅު ޖެހުމުން އެމީހާ ދޫކޮށްލުމުގެ ފާޑުކިޔުން އަމާޒުވާން ފަށައިފި އެވެ.
މާލޭގެ އިބްރާހީމް މިސްކިތަށް އަރައި ހަތިމަކަށް ކުޅު ޖެހި މައްސަލައެއްގައި 40 އަހަރުގެ މީހަކު 4:00 ހާއިރު ހައްޔަރުކޮށްފައިވާ ފުލުހުން ބުނި ނަމަވެސް އެއީ ކާކުކަމެއް ފުލުހުން ނުބުނެ އެވެ. އަދި އެއީ ކުރިން ހައްޔަރުކުރި މީހާކަމެއް އަދި އެމީހާގެ އިތުރު ތަފްސީލެއް ފުލުހުން ނުދެ އެވެ.
ނަމަވެސް މިއަދު ހައްޔަރު ކުރި އެމީހާއަކީ މީގެ ކުރިން ދެ މިސްކިތަކަށް ކުޑަކަމުގޮސްގެން ހައްޔަރުކުރުމަށްފަހު ދޫކޮލި މީހާ ކަން ވަނީ އެނގިފަ އެވެ.
މާލޭ ސިޓީގެ މޭޔަރ ޑރ.މުހައްމަދު މުއިއްޒު އެކަމަށް ފާޑު ވިދާޅުވެ ކުރި ޓުވީޓެއްގައި ވިދާޅުވީ މާތް ﷲ ގެ ގެކޮޅުކަމުގައިވާ މިސްކިތްތަކަށް ވަދެ ކުޑަކަމުގޮސް، އެކަލާނގެ ކަލާމްފުޅަށް ރަތްކުޅުޖަހާ ހަދާއިރުވެސް އެކަން ކުރާ މީހާ މުޖުތަމަޢުން އެކަހެރިނުކޮށް، އެއް މުއައްސަސާ އިން އަނެއް މުއައްސަސާ ބަަދުނާމްކުރުމުގައި އެޅެމުންދާ ކަމަށެވެ.
މާތް ﷲ ގެ ގެކޮޅުކަމުގައިވާ މިސްކިތްތަކަށް ވަދެ ކުޑަކަމުގޮސް، އެކަލާނގެ ކަލާމްފުޅަށް ރަތްކުޅުޖަހާ ހަދާއިރުވެސް އެކަން ކުރާ މީހާ މުޖުތަމަޢުން އެކަހެރިނުކޮށް، އެއް މުއައްސަސާ އިން އަނެއް މުއައްސަސާ ބަަދުނާމްކުރުމުގައި!
— Dr Mohamed Muizzu (@MMuizzu) November 7, 2021
ތަކުރާރުކޮށް އެފަދަ ކަމެއް ކުރަން ފުރުސަތު ލިބުމުން ބައެއް މީހުން ވަނީ އޭނާ ލައްވާ މިއީ ސަރުކާރުން ކުރުވާ ކަމެއް ކަމަށް ބައެއް މީހުން ތުހްމަތުކޮށްފަ އެވެ. އަދި އޭނާ ހައްޔަރުކޮށް ރަނގަޅު ތަހްގީގެއް ކުރަން ޖެހޭ ކަމަށްވެސް ބައެއް މީހުން ބުނެފައިވެ އެވެ.
ކުޑަ ކަމު ދިޔާމަ ވެސް ފިރުމާފަ ދޫކޮއްލި
— #indiaout (@hassankobai) November 7, 2021
މީގެ އިތުރުން ބައެއް މީހުން ވަނީ އޭނާއަކީ ބުުއްދި ހަމަނުޖެހޭ މީހެއް ކަމަށްބުނާއިރު މިސްކިތައްތަކަށް ވަދެ އެފަދަ ކަންކަން ކުރުން އއީ އިއްތިފާގެއްތޯ ވެސް ސުވާލު އުފައްދާފަ އެވެ.
https://t.co/sMVTPMsIZN How come this monster freely moving around urinating mosques and spitting the Holy Qur’an @ShimranAb @aslamdp @M_Hameedh @HuShameem ⁉️⁉️⁉️⁉️
— Ibrahim M Didi (@ibrahimmdidi) November 7, 2021
1.ބުއްދިގޯސްމީހަކު އަބަދު މިސްކިތް
2.ކުރީފަހަރު ރާއްޖޭގެ ހާއްޞަމިސްކިތްތަކާއި ތަނަން ފާހަގަކޮއްފައިވޭ.
3.ރާއްޖެއިސްލާވީދުސް ހަމަ މިސްކިތް އެފަދަ ނުބައި އަމަލެއް. ހަމަ އިއްތިފާގެއްބާ؟@HuShameem @M_Hameedh @CRCMaldives @mvhighcourt @PoliceMv @MvSpokesperson @ShimranAb @alixahir pic.twitter.com/lvLAHoygpq— Thooba Rasheed (@ThoobaR) November 7, 2021
މި ހަބަރާ ގުޅިގެން މީހަކު ބުނީ އެމީހާ ވައްތަރީ ރާއްޖެއާއި ރާއްޖޭން ބޭރުގެ ލާދީނީ ޖަމާއަތްތަކުން ހޮވާފައިހުރި މަންދޫބަކާ ކަމަށެވެ.
"ރާއްޖެ އިސްލާމްި ދުވަހުގެގޮތުގައި ފާހަގަކުރާ ދުވަހު މާތްﷲގެ ބާވާލައްވާފައިވާ ކީރިތި ޤްރުއާނަށް އެކަލާންގެ މާތްކުރައްވާފައިވާ ގެކޮޅުގައިހުރެ ކުޅުޖެހުމުން އެކުރެވުނީ ދީނަށް ފުރައްސާރަކުރުމުގެ އެންމެ މަތީ ދަރަޖައިގެ ކުށެއް ނޫންތޯ. ހުރިހާ މުވައްސަސާއެއްގެ މުވައްޒަފުން ހޭލައިތިބެގެންމިކަން ބަލައި ޙުކުމް ކުރެވެންޖެހޭ. މުރުތައްދުވީތޯ ބަލަންޖެހޭ." އާއްމު މީހަކު ބުނެފައިވެ އެވެ.