ކުރިއަށް ރައްޔިތުންގެ މަޖިލީހަށް ސ. މަރަދޫ ދާއިރާ އަށް އެމްޑީޕީ ޓިކެޓްގައި ވާދަ ކުރައްވަން ނިންމާފައިވާ މަވޯޓާ ޝަރީފް ކެމްޕޭނަށް މިއަދު އައްޑު އަށް ވަޑައިގެންފި އެވެ.
ކުރިން އެމްޑީޕީގައި ހުންނެވުމަށް ފަހު، ފަހުން ޑީއާރްޕި އާ ގުޅިވަޑައިގެން ދުވަސްތަކެއް ވަންދެން އުޅުއްވުމަށް ފަހު އަނެއްކާ ވެސް އެމްޑީޕީ އާ ދާދި ފަހުން ގުޅިވަޑައިގަތް މަރަދޫ ސިލްވަރުވިލާ މަވޯޓާއަކީ މީގެ ކުރިން ވެސް ރައްޔިތުންގެ މަޖިލީހުގެ އައްޑޫ މެމްބަރުކަން ގިނަ ދުވަސްތަކެއް ވަންދެން ކުރައްވާފައިވާ ބޭފުޅެކެވެ.
ދާދި ފަހުން ދައުރު ނިމުނު ރައްޔިތުންގެ މަޖިލީހުގެ 17 ވަނަ މަޖިލީހަށް ވެސް މަވޯޓާ ކުރިމަތިލެއްވި އެވެ. އެހެން ނަމަވެސް ކުރިމަތިލައްވަން ޖެހިވަޑައިގަތީ ނާކާމިޔާބީ އާ އެވެ.
އޭނާ މި ފަހަރު މރަދޫ ދާއިރާ އަށް ވާދަ ކުރައްވަން ނިންމާފައިވާ އިރު، ޕްރައިމެރީގައި މަވޯޓާ އާ، އިތުރު ހަތަރު ބޭފުޅަކު ވެސް ވާދަ ކުރައްވަ އެވެ.
އެއީ އެއީ އެ ރަށު ހިކިފިނިފެންމާގޭ އަބްދުއް ސަލާހު ހަސަން އާއި މަރަދޫ ފޮނިމާގޭ މުހައްމަދު ޖިނާހާއި ބަހާރުގޭ މުހައްމަދު ރިޔާޒާއި އެ ރަށު މީނާޒް ހަސަން ނާސިރު (ހަން ބައްދާ ހަސަނު) އެވެ.
އެމްޑީޕީގެ ޕްރައިމެރީ އޮންނާނީ މި މަހުގެ 24 ގަ އެވެ.