ޕީޕީއެމްގެ ފަރާތުން އައްޑޫ ސިޓީ ކައުންސިލަށް ހިތަދޫ މެދު ދާއިރާ އަށް ވާދަ ކުރައްވާ އިބްރާހީމް ރަޝީދު ވަޖުދީގެ ކެމްޕޭން މިރޭ ރަސްމީކޮށް ލޯންޗް ކުރާ ގޮތަށް ހަމަޖައްސައިފި އެވެ.
މި ރަސްމިއްޔާތު އޮންނާނީ ހިތަދޫ ބޮޑޫ މަގުގައި ކުރިން ޗެކްމާކް ފިހާރަ ހިންގި އިމާރާތުގަ އެވެ. އެއީ މެދު ދާއިރާގެ ޕީޕީއެމް ޖަގަހަ ވެސް މެ އެވެ.
އިބްރާހީމް ރަޝީދުގެ ކެމްޕޭން ލޯންޗް ކުރާ ޖަލްސާ އޮންނާނީ މިރޭ 8:30 ގަ އެވެ.
އައްޑޫ ސިޓީ ކައުންސިލަށް ހިތަދޫ މެދު ދާއިރާ އަށް ޕީޕީއެމުން ރަޝީދު ވާދަ ކުރައްވާ އިރު، އެމްޑީޕީން ވާދަ ކުރައްވަނީ މިހާރު ވެސް އެ ދާއިރާގެ ކައުންސިލަރަކަށް ހުންނެވި ހުސައިން ހިލްމީ އެވެ.