އައްޑޫ މީދޫ ކޯގަންނު ގަބުރުސްތާނުގައި ލައިޓް ހަރުކޮށްފިއެވެ.
ރާއްޖޭގައި އޮތް އެންމެ ދުވަސްވީ ގަބުރުސްތާނުގައި ލައިޓް ހަރުކޮށްފައިވަނީ އެތަނަށް ތަކުރާރުކޮށް މީހުން ގެއްލުން ދެމުން އަންނާތީއެވެ.
މީދޫ އަވަށު އޮފީހުން ބުނީ، ކޯގަންނު ހަބުރުސްތާނަށް ތަކުރާރުކޮށް ގެއްލުން ދިނުމާއެކު، ގަބުރުސްތާނުގެ ސެކިއުރިޓީ ބެލެހެއްޓުންވެސް ހަރުދަނާކޮށްފައިވާނެ ކަމަށާއި، ގަބުރުސްތާނު އަލިކުރުމުގެ މަސައްކަތްކޮށް، ލައިޓް ހަރުކޮށްފައިވާނެ ކަމަށެވެ.
ކޯގަންނު ގަބުރުސްތާނަށް ބަޔަކު ގެއްލުން ދިނުމާއި ގުޅިގެން ދެންނެވި ސުވާލަކަށް ޖަވާބުދެއްވަމުން މީދޫ ދާއިރާގެ ކައުންސިލަރ އާމިނަތު ޞާލިޙާ ވިދާޅުވީ، ސެކިއުރިޓީ ހަޓެއް ގާއިމުކުރުމަށް މިނިސްޓްރީއާ ވާހަކަ ދެކެވިފައިވާ ކަަމަށާއި، ކުރިއަށް އޮތް އަހަރު އެތަނުގައި ހަރުކުރުމަށް ސެކިއުރިޓީ ކެމެރާ ފޯރުކޮށްދޭނެކަމަށް މިނިސްޓްރީން ވިދާޅުވެފައިވާ ކަމަށެވެ.
ކޯގަންނު ގަބުރުސްތާނަކީ ރާއްޖޭގައި ހުރި އެންމެ އާސާރީ ގަބުރުސްތާނެވެ. މިތަނަށް އެތައް ފަހަރެއްގެ މަތިން މީހުން ގެއްލުންދީފައިވާއިރު، ތަން ބަލަހައްޓަން 24 ގަޑިއިރު ސެކިއުރިޓީން ތިބެއެވެ.