އައްޑޫގައި ބާއްވަމުން އަންނަ ސްޓްރީޓް ސޮކާ މުބާރާތް އަންނަ މަހުގެ 5 ގައި ފަށާ ގޮަތަށް ހަމަޖައްސައިފި އެވެ.
ސ. ގަމުގައި ބާއްވާ މި މުބާރާތުގައި ބައިވެރިވުމުގެ ފުރުސަތު މިހާރު ވެސް ހުޅުވާލެވިފައިވާ އިރު، މިހާތަނަށް 18 ޓީމަކުން ވަނީ ބައިވެރިވާން ހުށަހަޅައިފަ އެވެ.
މި މުބާރާތުގައި ބައިވެރިވާން އެދޭ ޓީމްތަކުން މި މަހުގެ 18 ގެ ކުރިން ފޯމް ނަގައި، 28 ގެ ކުރިން ފޯމް ހުށަހަޅަން ޖެހެ އެވެ.
ޖުމްލަ 20 ޓީމަށް ފުރުސަތު ދޭ މި މުބާރާތުގައި ބައިވެރިވާން މިހާރު ހުށަހަޅާފައިވާ ޓީމްތަކަކީ ފޭދޫ ފްރެންޑްސް ކުލަބް، މަރަދޫފޭދޫ، އެފްއާރްޓީ، ހަބޭސް، މެޖެންޓާ، ކަޅަބެންޗާ، ޝަންގްރިއްލާ، ގަން ޕޮލިސް، ހިތަދޫ ޕޮލިސް، އެސްއެމްޓީ، ޔަންގްވަންސް، އެފްވައިސީ، މަލްޓި ޖީނިއަސް، އެފްސީ ލިޓްލް ޓައުން، އެމްއެންޑީއެފް އަދި ޔަންގަ މެޖެންޓާ އެވެ.
މުބާރާތުގެ ޗެމްޕިއަން ޓީމަށް މި ފަހަރު 35،000ރ. ހުށަހަޅާފައިވާ އިރު، ރަނައަޕް ޓީމަށް ވަނީ 10،000ރ. ގެ ފައިސާގެ އިނާމް ހުށަހަަޅައިފަ އެވެ.
މިދިޔަ އަހަރު 16 ޓީމާ އެކު ބޭއްވި "އަލިކެފޭ ސްޓްރީޓް ސޮކާ 2013" ގެ ޗެމްޕިއަން ޓީމަކީ ފޭދޫ ފްރެންޑްސް ކުލަބެވެ.
ގިނަ ބައެއްގެ ތަރުހީބު ވެސް ވަރަށް ބޮޑަށް ލިބޭ ސްޓްރީޓް ސޮކާ މުބާރާތަކީ އައްޑޫގެ މަޝްހޫރު ފުޓްބޯޅަ ކުޅުންތެރިއެއް ކަމަށްވާ އަބްދުﷲ ހަނީފް (ބެންޖޯ) ގެ ވަރަށް ބޮޑު އިސް ނެގުމަކާ އެކު ބާއްވަމުން އަންނަ މުބާރާތެކެވެ.