މިދިޔަ މަހު އެންމެ ބޮޑު ސާވިސް ޗާޖެއް ދިނީ ކްލަބް މެޑް ފިނޮޅުން ކަމަށް ރިސޯޓް ވޯކާސް މޯލްޑިވްސްއިން ހާމަކޮށްފިއެވެ.
އެގޮތުން އެ ރިސޯޓުގެ މުވައްޒިފުންނަށް ސާވިސް ޗާޖުގެ ގޮތުގައި 1304 ޑޮލަރު ލިބުނެއެވެ. މިއީ ދިވެހި ރުފިޔާއިން ބަލާނަމަ 20،108 ރުފިޔާއެވެ.
ރިސޯޓް ވޯކާސް މޯލްޑިވްސް ޕޭޖުން އިތުރަށް ހާމަކޮށްފައިވާ ގޮތުގައި 1000 ޑޮލަރަށްވުރެ ބޮޑު އަދަދަކުން ސާވިސް ޗާޖު ދީފައިވަނީ 3 ރިސޯޓަކުންނެވެ. އެއީ އަޔާޑާ މޯލްޑިވްސް އާއި، ކްލަބް މެޑް ފިނޮޅުންނާއި އެސްޓޯރިއާ މޯލްޑިވްސް އެވެ. އެސްޓޯރިއާއިން 1062 ޑޮލަރު ދީފައިވާއިރު، އަޔާޑާއިން 1049 ޑޮލަރު ދީފައިވާކަމަށް ރިސޯޓް ވޯކާސް މޯލްޑިވްސްއިން ވަނީ ހާމަކޮށްފައެވެ.
ސާވިސް ޗާޖުގައި ގޮތުގައި ނަގާ ފާއިސާ މުވައްޒަފުންނަށް ދިނުމަށް ލާޒިމުކޮށް ގާނޫނު އިސްލާހުކޮށްފައިވީ ނަމަވެސް ބައެއް ރިސޯޓުތަކުން ސާވިސް ޗާޖު ނުދޭ މައްސަލަވެސް ވަނީ ފެންމަތިވެފައެވެ. ނަމަވެސް ސާވިސް ޗާޖު ނުދޭ ތަންތަނާ މެދު ފިޔަވަޅު އެޅޭނެކަމަށް ގާނޫނުގައި ބަޔާންކޮށްފައި އޮވެއެވެ.