މީހުންގެ ފޭސްބުކް އެކައުންޓުތައް ހެކްކޮށް، ފައިސާ ހޯދަން އެދޭ މައްސަލަތައް އިންތިހާއަށް އިތުރުވާންފަަށައިފިއެވެ.
ފޭސްބުކުގައި ގިނަ މީހުން ހިއްސާކޮށްފައިވާ ގޮތުން އެކައުންޓް ހެކްކުރުމަށްފަހު އެކި މީސްމީހުންނަށް މެސެޖްކޮށްފައި ރުފިޔާ ޓްރާސްފަރ ކޮށްދޭން ހެކަރުން އެދެއެވެ. އަދި 2000 ރުފިޔާއާއި 5000 ރުފިޔާ ފަދަ ބޮޑެތި އަދަދުތައް ޓްރާންސްފަރ ކޮށްދިނުމަށްވެސް އަންނަނީ އެދެމުންނެވެ. މީގެ އިތުރުން، އެކައުންޓް ނަންބަރެއް ދީފައި، އެ ފައިސާ އަނބުރާ ދައްކާނެކަމަށް ބުނެ ގިނަ މީހުންގެ އަތުން ހެކަރުން ވަނީ ފައިސާ ޓްރާންސްފަރ ކުރުވާފައެވެ.
ފޭސްބުކް އެކައުންޓް ހެކްކޮށްގެން ފައިސާ ހޯދާ މައްސަލަތަކެއް ފެންމަތިވެފައިވާއިރު، މީގެ ކުރިން އެކި މީސްމީހުންނަށް ފޯނުކޯލު ކޮށްގެންވެސް ފާއިސާ ހޯދަމުން އައެވެ. ނަމަވެސް ހޭލުންތެރިކަމުގެ ގިނަ ޕްރޮގްރާމްތައް ބޭންކުންނާއި އެހެނިހެން މުވައްސަސާތަކުން ހިންގުމާއެކު އެކަމަށް ކޮންމެވެސް ވަރެއްގެ ހައްލެއް ވަނީ ލިބިފައެވެ.