ސަރުކާރުން އިގުތިސާދީ ދާއިރާ ކުރިއެރުމަށް ފާއިތުވި ތިން އަހަރުގެ ތެރޭގައި ގިނަ މަސައްކަތްތަކެއްކޮށްފައިވެ އެވެ. ވިޔަފާރީތައް ކުރިއެރުމަށް ބޮޑެތި ނިންމުންތައް ނިންމައި، ލުއި ފަސޭހަކަން ގެނެސްދީފައިވެއެވެ. މިއީ ސަރުކާރަށް ތިން އަހަރު ފުރުނުއިރު ކާމިޔާބީގެ ވާހަކަ ދައްކާނަމަ ފާހަގަކޮށްލެވިގެންދާ އެއްދާއިރާއެވެ.
ކާޑުގެ އަގުތައް އެއްހަމަުކުރުން
ރައީސް އިބްރާހިމް މުހައްމަދު ސޯލިހް ރިޔާސީ އިންތިހާބުގައި ވައުދުވެވަޑައިގެންނެވި ގޮތައް ރާއްޖޭގެ ހުރިހާ ސަރަޙައްދެއްގައި ކާޑު އެއް އަގެއްގައި ލިބޭނެ ގޮތައް ވަނީ ހަމަޖައްސާފައެވެ. އޭގެ ކުރިން ކާޑު ބާވާތްތައް އެކި ރަށްރަށުގައި ވިއްކަމުން ގެންދިޔައީ އެކި އަގުގަ އެވެ.
އެސް.ޑީ.އެފް.ސީ. ލޯނު
އެސްޑީއެފްސީ އަކީ މިސަރުކާރުގެ އެއް ވަޢުދުކަމުގައިވާ އެންމެ ކުދި، ކުދި އަދި މެދު ފަންތީގެ ވިޔަފާރިތަކަށް ދިމާވާ ދަތިތައް ހައްލުކުރުމަށްޓަކައި ފަސޭހައިން ލޯނު ލިބޭނެ މަގެއް ހަމަޖައްސަވައިދެއްވުމުގެ ގޮތުން ޤާއިމްކުރެވިފައިވާ ކުންފުންޏެކެވެ. މި ކުންފުނީގެ މައިގަނޑު މަޤްޞަދަކީ ދިވެހިރާއްޖޭގައި އަލަށް އުފައްދާ އަދި ކުރިއަރަމުން އަންނަ ކުދި އަދި މެދު ފަންތީގެ ވިޔަފާރިތަކަށް ބޭނުންވާނެ މާލީ އެހިތެރިކަން ފޯރުކޮށްދިނުމުގެ ގޮތުން ތަފާތު އިޤްތިޞާދީ ދާއިރާތަކަށް އަމާޒުކޮށް ލުއިގޮތަކަށް ލިބޭނޭ ލޯނު ތައާރަފްކޮށް އެމަސައްކަތް ދެމެހެއްޓެނިވި ގޮތެއްގައި ކުރިޔަށް ގެންދިޔުމެވެ. މި ކުންފުނިން މިހާތަނަށް 893 ޕްރޮޖެކްޓަކަށް ޖުމްލަ މިލިއަނަކަށް ވުރެ ގިނަ ރުފިޔާގެ ލޯނު ދޫކޮށްފައިވެ އެވެ. އޭގެ ތެރެއިން މިހާތަނަށް ދޫކުރެވިފައިވާ ލޯނުތަުކުގެ %42 އަކީ އަންހެނުންނާއި ޒުވާނުން ހިއްސާވާ ވިޔަފާރިތަކަށް ދޫކުރެވިފައިވާ ލޯނެވެ.
މިނިމަމްވޭޖާއެކު އުފާވެރިކަން
ސަރުުކާރުގެ ކުންފުނިތަކުން 4000 އާ ވަޒީފާ ދިވެހިންނަށް ވަނީ ފާއިތުވި ތިން އަހަރުގެ ތެރޭގައި އުފައްދާފަ އެވެ. އޭގެ އިތުރުން ސަރުކާރަކުން ނިންމި އެންމެ ބޮޑު އެއް ނިންމުމަކީ ފުރަތަމަ ފަހަރަށް ރާއްޖޭގައި މިނިމަމް ވޭޖް ކަނޑައެޅުމެވެ. މީގެ ސަބަބުން ކުޑަ އާމްދަނީ ލިބެމުންދިޔަ މީހުނަށްވެސް އެންމެ ކުޑަ ވެގެން އެކަށީގެންވާ ވަރުގެ އުޖޫރައެއް ލިބިގެންދާނެ އެވެ.
މިނިމަމްވޭޖުގެ ހެޔޮ ބަދަލު އަންނާނީ ކިހާ މުވައްޒަފުންނަކަށް؟
• 13000 ރިސޯޓް މުވައްޒަފުން
• 15000 ސިވިލް ސަރވިސް މުވައްޒަފުން
• 5000 ސަރުުކާރުގެ ކުންފުނިތަުކުގެ މުވައްޒަފުން
ކުދި އަދި މެދުފަންތީގެ ވިޔަފާރިތައް އުފެއްދުން
ކުދި އަދި މެދުފަންތީގެ ވިޔަފާރިތަކަށް ހާއްސަކޮށްގެން ސަރުކާރުން ވަނީ އެސްއެމްއީ ނަމުގައި ބޭންކެއ އުފައްދާ ލޯނު ދޫކުރަން ފަށާފަ އެވެ. މިއީ ރާއްޖޭގައި މިގޮތައް ހުޅުވި ބޭންކެވެ. މި ބޭންކު މެދުވެރިކޮށް ކުދި އަދި މެދުފަންތީގެ ވިޔަފާރިވެރިންނަށް މިހާތަނަށް ގިނަ ލޯނުތަކެއް ދޫކޮށްފައިވެ އެވެ. އޭގެ އިތުރުން ރާއްޖޭގެ ފުރަތަމަ ުކޯ-ވަރުކިންގ ސްޕޭސް ސީޑްވެސް ފާހަގަކޮށްލެވެ އެވެ.
މީގެ އިތުރުން ބިޒްނަސް ސެންޓަރ ކޯޕަރޭޝަން (ބީ.ސީ.ސީ)އިން 1978 ވިޔަފާރިއަކަށް ކޮންސަލްޓަންސީ ދީފައިވާއިރު 1663 ވިޔަފާރިއަކަށް ތަމްރީން ޕްރޮގްރާމް ވަނީ ފަށާފަ އެވެ. ހަމައެހެންމެ އޮތެންޓިކް މޯލްޑިވިސް ދިވެހި އުފެއްދުން ކުރިއެރުވުމަށް
115 ވިޔަފާރިއަކަށް، 20 މިލިއަން އަށްވުރެ ގިނަ ރުފިޔާގެ ދިވެހި އުފެއްދުންތަކަށް ދޫކޮށްފައިވެ އެވެ.
ފާއިތުވި ތިން އަހަރު ތެރޭގައި 9900 ވިޔަފާރި އަލަށް ރަޖިސްޓްރީުކޮށްފައިވާއިރު ހޯމް ބޭސްޑް ވަރުކަރސްއަށް ވިޔަފާރިުކުރެވޭނެ މަގު ފަހިކޮށްދީފައިވެ އެވެ.