ސ. ހިތަދޫ ފިހާރައަކުން ފޭރިގަނެފައިވާ ފައިސާތައް ހޯދައި ފޭރުނު ކަމަށް ތުހުމަތު ކުރެވޭ މީހަކު ފުލުހުންގެ ބެލުމުގެ ދަށަށް ގެންގޮސްފި އެވެ.
މިމައްސަލާގައި ފުލުހުންގެ ބެލުމުގެ ދަށަށް ގެންގޮސްފައި ވަނީ 22 އަހަރުގެ ފިރިހެނެކެވެ.
އޭނާއަކީ ވައްކަމާއި މާރާމާރީގެ އިތުރުން ފޭރުމުގެ މައްސަލަތަކުގެ ރެކޯޑް އޮންނަ މީހެއް ކަމަށް ފުލުހުން ބުންޏެވެ. ނަމަވެސް ނަމެއް ހާމައެއް ނުކުރެ އެވެ.
އޭނާ ފުލުހުންގެ ބެލުމުގެ ދަށަށް ގެންގޮސްފައި ވަނީ ހިތަދޫ ފިހާރައަކުން 300 ރުފިޔާ މީހަކު ފޭރިގަނެފައިވާ ކަމަށް ފުލުހުންނަށް ހުށަހެޅުނު މައްސަލަ އާ ގުޅިގެން މި މަހުގެ 10 ވަނަ ދުވަހުގެ ވަގުތެއްގަ އެވެ.
އެ ފިހާރައިން ފޭރިގަނެފައިވާ ފައިސާތައް ފެނިފައި ވަނީ އޭނާ ފުލުހުންގެ ބެލުމުގެ ދަށަށް ގެންގޮސް ބަލައި ފާސް ކުރުމުން އޭނާގެ އަތުންނެވެ.
މި މައްސަލަ ހިތަދޫ ޕޮލިސް ސްޓޭޝަނުން ދަނީ ތަހުޤީޤް ކުރަމުންނެވެ.