ޑިސެމްބަރުމަހުގެ މެދުތެރޭގައި އާންމުންނަށް ވެކްސިންގެ ބޫސްޓަރ ޑޯޒް ދޭން ފަށަންވާއިރަށް، ވެކްސިންގެ އިތުރު 1 ލައްކަ ޑޯޒް ލިބޭނެކަމަށް ޑރ.ނަޒްލާ ރަފީޤު ވިދާޅުވެއްޖެ އެވެ.
ހެލްތު ޕްރޮޓެކްޝަން އޭޖެންސީގެ މެޑިކަލް އޮފިސަރ ޑރ.ފާޠިމަތު ނަޒްލާ ރަފީޤު ވިދާޅުވީ، މި ވެކްސިން ރާއްޖެއަށް ލިބޭނީ ކޮވެކްސް ފެސިލިޓީ މެދުވެރިކޮށް ކަމަށެވެ.
މިވަގުތު ރާއްޖޭގައި ހުރި ވެކްސިން ޑޯޒްތަކުގެ އަދަދު ޑރ.ނަޒްލާ ހާމަކުރައްވާފައިނުވާއިރު، މިހާރު ބޫސްޓަރ ޖެހޭ ކެޓެގަރީތަކުގެ މީހުންނަށް ވާވަރަށް ވެކްސިން އެބަހުރިކަމަށް ޑރ.ނަޒްލާ ވަނީ ވިދާޅުވެފައެވެ.
މީގެކުރިންވެސް ރާއްޖެއަށް ކޮވެކްސް ފެސިލިޓީ މެދުވެރިކޮށް ވެކްސިންގެ ޑޯޒްތައް ވަނީ ލިބިފައެވެ. އޭރު ރާއްޖެއަށް ލިބިފައިވަނީ ފައިޒާ ވެކްސިންގެ ޑޯޒްތަކެވެ.