މާސްކް އެޅުން އެއްގޮތަކަށްވެސް ނެތް ރަށްރަށް އެބަހުރިކަމަށް ޑރ.ނަޒްލާ ވިދާޅުވެއްޖެއެވެ.
ޑރ.ނަޒްލާ މިހެން ވިދާޅުވީ، އެޗް.އީ.އޯ.ސީގެ ޕްރެސް ކޮންފަރެންސެއްގައެވެ.
"ބަލި އުޅޭކަން އެނގެނީ ސާކިއުލޭޓްވާން ފަށާތާ ދުވަސްކޮޅެއް ފަހުން. އެންމެން ގިނައިން މާސްކް އަޅާކަމަށް ވަންޏާ، ނޭނގި ބަލި ފެތުރުން މަދުކުރެވޭނެ" ޑރ.ނަޒްލާ ވިދާޅުވިއެވެ.
މީގެ އިތުރުން ޑރ.ނަޒްލާ ވިދާޅުވީ، ރަނގަޅު މާސްކެއް، ރަނގަޅަށް އަޅަން ޖެހޭކަމަށާއި، ސާޖިކަލް މާސްކް ނުވަތަ ފޮތި މާސްކް އަޅާނަމަ، މަދުވެގެން 3 ލޭޔަރ ހުންނަ މާސްކް އެޅުން މުހިންމުކަމަށް ޑރ.ނަޒްލާ ވަނީ ވިދާޅުވެފައެވެ. މީގެއިތުރުން ޑރ.ނަޒްލާ ވިދާޅުވީ، އަނގަޔާއި ނޭފަތް އެއްކޮށް ނިވާވާ ވަރުގެ މާސްކް އަޅައިގެން ނޫނީ މާސްކް އެޅުމުގެ ބޭނުން ރަނގަޅަކަށް ނުހިފޭނެކަމަށެވެ.