އައްޑޫސިޓީގެ ކޮވިޑް-19ގެ ހާލަތާގުޅޭ ގޮތުން ބާއްވާ ވަރަށް ޚާއްސަ ޕްރެސް ކޮންފަރެންސެއް މިރޭ އޮންނާނެކަމަށް އައްޑޫ އެމަޖެންސީ އޮޕަރޭޝަންސް ސެންޓަރުން ބުނެފިއެވެ.
އައްޑޫ އީއޯސީއިން ބުނެފައިވާ ގޮތުގައި މިރޭގެ ޕްރެސް އޮންނާނީ 20:00 ގައެވެ. އަދި މި ޕްރެސް ފޭސްބުކް މެދުވެރިކޮށް ލައިވްކުރެވޭނެކަމަށްވެސް އީއޯސީއިން ވަނީ ބުނެފައެވެ.
މި ޕްރެސްގައި އައްޑޫ ސިޓީ ކައުންސިލާއި، ދިވެހި ފުލުހުންގެ ޚިދުމަތުގެ އިތުރުން އައްޑޫ އެކުއެޓޯރިއަލް ހޮސްޕިޓަލުންވެސް ބައިވެރިވާނެކަމުގެ މައުލޫމާތު ވަނީ ލިބިފައެވެ.
މިއަދު 2:00 ގައި ބޭއްވި ޕްރެސް ކޮންފަރެންސްގައި ހެލްތު ޕްރޮޓެކްޝަން އޭޖެންސީގެ މެޑިކަލް އޮފިސަރ ޑރ.ނަޒްލާ ވަނީ، އައްޑޫގެ ފިޔަވަޅުތައް އިތުރަށް ހަރުދަނާކުރުމަށް ވާހަކަދައްކަމުން އަންނަކަމަށް ވިދާޅުވެފައެވެ.