އައްޑޫސިޓީ ހުޅުދޫ އަވަށުގައި ގާއިމުކުރި ޑްރަގް ޑިޓޮކްސިފިކޭޝަން އެންޑް ކޮމިއުނިޓީ ރިހެބިލިޓޭޝަން ސެންޓަރުގެ މަސައްކަތް ނިންމާލައިފިއެވެ.
އިންޑިއާ ސަރުކާރުން 7.9 މިލިއަން ރުފިޔާ ޚަރަދުކޮށްގެން ކުރިއަށްގެންދިޔަ މި މަޝްރޫއަށް ދިވެހި ސަރުކާރުގެ ބަޖެޓުން ޚަރަދުކޮށްފައިވަނީ 7.1 މިލިއަން ރުފިޔާއެވެ.
މި ސެންޓަރުގެ މަސައްކަތް ނިމުމާއެކު، ހެލްތު މިނިނިސްޓްރީގެ ބޭފުޅުންނާއި، ޕްލޭނިންގ މިނިސްޓްރީގެ ބޭފުޅުންގެ އިތުރުން އެންޑީއޭގެ އިސް ބޭފުޅުން ވަނީ މިތަނަށް ޒިޔާރަތްކުރައްވާފައެވެ.
ޑިޒައިން އެންޑް ބިލްޑް އުސޫލުން ރެއިންބޯ ކޮންސްޓްރަކްޝަން ޕްރައިވެޓް ލިމިޓެޑާ ހަވާލުކޮށްގެން ކުރިއަށް ގެންދިޔަ މި މަޝްރޫޢުގެ ބިންގާ އަޅައިދިނީ، 2020 ވަނަ އަހަރުގެ ޑިސެމްބަރު މަހުގައި ނައިބު ރައީސް ފައިސަލް ނަސީމެވެ.
އައްޑޫސިޓީ ހުޅުދޫގައި މިފަދަ ޑިޓޮކްސް ސެންޓަރެއް ގާއިމުކޮށްފައިވާއިރު، މިހާރުވެސް ރާއްޖޭގައި މިފަދަ 4 ސެންޓަރު އެބަހުއްޓެވެ.