އަންނަ މަހުގެ 5 ގައި އައްޑޫގައި ފަށާ "ސްޓްރީޓް ސޮކާ 2014" ގެ ސްޕޮންސަރަކީ ވީބީ މާޓް ކަމަށް، މުބާރާތް އިންތިޒާމް ކުރާ ފަރާތުން ބުނެފި އެވެ.
މި މުބާރާތް ބޭއްވުމުގައި ވަރަށް އިސް ރޯލެއް އަދާ ކުރާ އައްޑޫގެ މަޝްހޫރު ފުޓްބޯޅަ ކުޅުންތެރިޔާ އަބްދުﷲ ހަނީފް (ބެންޖޯ) މިއަދު ބުނީ މި އަހަރުގެ މުބާރާތް ވީބީން ސްޕޮންސަ ކުރުމާ ގުޅިގެން، މުބާރާތް ބާއްވާނީ އެ ކުންފުނިން ޑިސްޓްރިބިއުޓް ކުރާ ޗޮކްލެޓެއް ކަމަށްވާ "ސްނިކާސް ސްޓްރީޓް ސޮކާ 2014" ގެ ނަމުގައި ކަމަށެވެ.
މުބާރާތުގެ ޗެމްޕިއަން ޓީމަށް މި ފަހަރު ވެސް ވަނީ 35،000ރ. ގެ ފައިސާގެ އިނާމެއް ހުށަހަޅައިފަ އެވެ. ރަނައަޕް ޓީމަށް ލިބޭނީ 10،000ރ. އެވެ.
މިދިޔަ އަހަރު 16 ޓީމާ އެކު ބޭއްވި މުބާރާތުގެ ސްޕޮންސަރަކީ ގްލޯބަލް ލިންކްސް އެވެ. އެ މުބާރާތް ބޭއްވީ އެ ކުންފުނިން މާކެޓް ކުރާ "އަލިކެފޭ ސްޓްރީޓް ސޮކާ 2013" ގެ ނަމުގަ އެވ
ގަމުގައި ބާއްވާ މި މުބާރާތުގައި ބައިވެރިވާން އެދޭ ޓީމްތަކުން މި މަހުގެ 18 ގެ ކުރިން ފޯމް ނަގައި، 28 ގެ ކުރިން ފޯމް ހުށަހަޅަން ޖެހެ އެވެ.
މިހާރު ވެސް ގިނަ އަދަދެއްގެ ޓީމްތަކެއް ވަނީ އެޕްލިކޭޝަން ހުށަހަޅައިފަ އެވެ.
މުބާރާތް ކުރިއަށް ދާނީ ކުރިއެކޭ އެއްގޮތަށް ހަވީރު ރޭގަނޑު އެވެ.