އައްޑޫ ސިޓީ މީދޫ ދާއިރާގެ ކުރީގެ ކައުންސިލަރު، ޙުސައިން ހިޔާޟް އެމްއެންޕީއާ ގުޅިއްޖެ އެވެ.
އެމްއެންޕީއިން އެކަން ހާމަކޮށް ސޯޝަލްމީޑިޔާގައި ބުނެފައި ވަނީ ހިޔާޞް އެ ޕާޓީއާ ގުޅުނީ އައްޑޫ ސިޓީގައި އެމްއެންޕީއަކީ ވަރުގަދަ ޕާޓީއަކަށް ހެދުމަށް ކުރަމުންދާ މަސައްކަތުގެ ތެރެއިން ކަމަށެވެ. އެ ޕާޓީން އިތުރަށް ބުނެފައިވަނީ ޕާޓީ ވަރުގަދަ ކުރުމަށް
ހިޔާޟް ފަދަ ތަޖުރިބާ ހުރި ބޭފުޅުންގެ އެހީ މުހިއްމު ކަމަށެވެ.
އައްޑޫ ސިޓީގައި އެމްއެންޕީއަކީ ވަރުގަދަ ޕާޓީއަކަށް ހެދުމަށް ކުރަމުންދާ މަސައްކަތުގެ ތެރެއިން އައްޑޫ ސިޓީ މީދޫ ދާއިރާގެ ކުރީގެ ކައުންސިލަރ ޙުސައިން ހިޔާޟް އެމްއެންޕީއާ ގުޅިވަޑައިގެންފި. މިމަސައްކަތުގައި ހިޔާޟް ފަދަ ތަޖުރިބާ ހުރި ބޭފުޅުންގެ އެހީ މުހިއްމު. pic.twitter.com/51kCMp77eK
— Maldives National Party (@MNP_Secretariat) November 29, 2021
ހިޔާޞްއަކީ ނިމިދިޔަ ދައުރުގައި އެމްޑީޕީގެ ޓިކެޓްގައި ކައުންސިލް އިންތިހާބު ކާމިޔާބުކޮށް އެ ދައުރުު ފުރިހަމަކޮށްފައިވާ ކައުންސިލަރެވެ. އައްޑޫ މީދޫ ދާއިރާގައި މި ދައުރަށް އިންތިހާބުވެފައިވަނީ ޕީޕީއެމްގެ ޓިކެޓްގައި ވާދަކުރި އާމިނަތު ސާލިހާ އެވެ.
އައްޑޫ ސިޓީގައި އެމްއެންޕީ ވަރުގަދަކުރުމަށް ކުރާ މަސައްކަތުގެ ތެރެއިން އެ ޕާޓީގެ ލީޑަރޝިޕްގެ ބޭފުޅުން މި މަހު ވަނީ އައްޑޫ ސިޓީއަށް ވަޑައިގެންފަ އެވެ. އެ ދަތުރުގެ އައްޑޫން އެކި މީހުން އެ ޕާޓީއަށް ސޮއިކޮށްފައިވެ އެވެ.