އައްޑޫގައި ތައްޔާރު ކުރާ ވަން ފެނުގެ އާ ޕެކޭޖެއް އެކުންފުނިން ތައާރަފުކޮށްފިއެވެ.
ވަން ޑިގްރީ ސައުތް އައްޑޫ ފެކްޓަރީއިން ބުނީ ދެ ފުޅި ފެނާއި، އިލެކްޓްރިކް ޕަމްޕް އަދި ފެން އަޅާ ބިއްލޫރި ފުޅި އަކާއި އެކު 750 ރުފިޔާއަށް ލައިޓު ޕެކޭޖު ލިބޭނެކަމަށެވެ.
ރީޗާޖަބަލް ޕަމްޕް އާއި އެކު މި ތައާރަފު ކުރި ޕެކޭޖުގެ ސަބަބުން ޑިސްޕެންސަރ ނެތި ބޮޑު ފެންފުޅި ބޭނުން ކުރެވޭނެއެވެ. އަދި ކައުންޓަރު ފަދަ ތަންތަނުގެ މަތީގައި ބޮޑު ފެންފުޅި ބަހައްޓައިގެން މި ޕަމްޕް މެދުވެރިކޮށް ފެން ބޭނުން ކުރެވޭނެއެވެ.
މި ޕެކޭޖާއި ގުޅޭ މައުލޫމާތު 6880001 އަދި 7400001 އަދި 7650002 ނަންބަރަށް ގުޅައިގެން ލިބޭނެކަމަށެވެ.
ބޮޑު ފެންފުޅި ބޭނުންކުރަން ފެށުމުން ކުދި ފުޅިތައް އުކާލުމާއި، އަދި ގޭތެރޭގައި ގުދަން ކުރުުމުގެ ތަކްލީފުތަކަށް ލުއި ލިބިގެންދާނެއެވެ. އަދި މީގެ ސަބަބުން ތިމާވެއްޓަށް ވެސް ބޮޑު އެހީތެރިކަމެއް ފޯރުކޮށްދެވިގެންދާނެކަމަށް ވަން ޑިގްރީއިން ބުނެއެވެ.
ވަން ޑިގްރީ ސައުތު އައްޑޫ ފެކްޓަރީ އަކީ އައްޑޫގައި ފެން އުފައްދާ ހަމަ އެކަނި ކުންފުނިއެވެ. 2015 ވަނަ އަހަރުން ފެށިގެން ފެން އުފައްދަން ފަށާފައިވާ މި ފެކްޓަރީން މިހާތަނަށް މުޅިންވެސް ވިއްކާފައިވަނީ 18.9 ލީޓަރު ފެނެވެ.