އައްޑޫ ސިޓީން އިތުރު 4 މީހުން ކޮވިޑް-19 އަށް ޕޮޒިޓިވް ވެއްޖެ އެވެ.
އައްޑޫ އިމަޖެންސީ އޮޕަރޭޝަން ސެންޓަރުން ބުނީ، މިއަދު ހަވީރު 6 ޖެހުމާ ހަމައަށް ފެނުނު 4 ކޭސްގެ ތެރެއިން 2 ކޭސް ފެނިފައި ވަނީ ހުޅުދޫ އަވަށުން ކަމަށެވެ. އަދި ހިތަދޫ އަވަށުން 1 ކޭސް ފެނިފައިވާއިރު، މަރަދޫ އަވަށުން 1 ކޭސް ފެނިފައިވާ ކަމަށް، އެ ސެންޓަރުން ބުންޏެވެ.
އައްޑޫގެ އަވަށްތަކުގެ ތެރެއިން އެންމެ ގިނަ އަދަދަކަށް ކޮވިޑްގެ އެކްޓިވް ކޭސް އުޅެނީ ހިތަދޫ އަވަށުގައެވެ. އެގޮތުން ހިތަދޫގައި ކޮވިޑްގެ އެކްޓިވް 163 ކޭސް އުޅޭއިރު، މަރަދޫގައި 27 ކޭސް، ފޭދޫގައި 5 ކޭސް، މަރަދޫފޭދޫގައި 4 ކޭސް، މީދޫގައި 21 ކޭސް އަދި ހުޅުދޫގައި 11 ކޭސް އުޅޭ ކަމަށް އެ ސެންޓަރުން ވަނީ ބުނެފައެވެ. އަދި ގަމުގައި އެކްޓިވް 1 ކޭސް އުޅޭ ކަމަށްވެސް އެ ސެންޓަރުން ބުންޏެވެ. މިއާއެކު އައްޑޫގެ މުޅި ޖުމްލަ އެކްޓިވް ކޭސްގެ އަދަދު އުޅެނީ 232 ގައެވެ.
އައްޑޫ ކޮވިޑް މެނޭޖްމެންޓް ފެސިލިޓީގައި 3 މީހަކަށް ފަރުވާ ދެމުންދާއިރު، މި ބަލީގައި އައްޑޫ އިން 10 މީހުން ވަނީ ނިޔާވެފައެވެ.