އަނިޔާވެރި ރައީސް ޔާމީނަށް ޝައުގުވެރިކަމެއް ނެތް ކަމަށް އެމް.ޓީ.ސީ.ސީގެ ސީއީއޯ އާދަމް އާޒިމް ވިދާޅުވެއްޖެ އެވެ.
އާދަމް އާޒިމް މިހެން ވިދާޅުވެފައިވަނީ، ރޭ އިދިކޮޅު ކޯލިޝަނުން ބޭއްވި ޖަލްސާ އަށް މީހުންނަށް ނުދެވޭނެހެން ބަސް ދަތުރުތައް ހުއްޓާލިކަމަށް ބުނެ މީހަކު ކުރި ޓްވީޓަކަށް ރައްދު ދެއްވަމުންނެވެ.
އާދަމް އާޒިމް ވިދާޅުވީ، އެމް.ޓީ.ސީ.ސީގެ ހުރިހާ ޝެޑިއުލްޑް ދަތުރުތަކެއް ހުއްޓުމެއް ނެތި ރޭގައިވެސް ކުރިއަށް ދިޔަ ކަމަށެވެ. އަދި ރައީސް ޞާލިހު ވަނީ، ހުރިހާ ރައްޔިތުންނަށް އޯގާތެރިކޮށް ޚިދުމަތްދޭން ނަސޭހަތްތެރި ވެފައިކަމަށްވެސް އާޒިމް ވަނީ ވިދާޅުވެފަ އެވެ.
އާދަމް އާޒިމްގެ ޓްވީޓްގައި އޭނާ ވަނީ ރައީސް ސާލިހަށް ވަރަށް ބޮޑަށް ތައުރީފްވެސް ކުރައްވާފަ އެވެ.
ރައީސް ސާލިހަކީ ހުރިހާ ރައްޔިތުންގެ ރައީސް – އާދަމް އާޒިމް
އެމްޓީސީސީން މާލެ އާއި ހުޅުމާލެއާ ދެމެދު ބަސް ދަތުރު ކުރާ އިރު، އެންމެ ގިނަ ބަޔަކު ހިދުމަތް ހޯދާ ރޫޓަކީ ވެސް އެއީއެވެ. ރޭ ކާނިވާ ސަރަހައްދުގައި އިދިކޮޅު ކޯލިޝަނުން ބޭއްވި ޖަލްސާ އަށް ހުރަސް އެޅުމަށް ބަސްދަތުރު ހުއްޓާލިކަމަށް ބުނެ، ބައެއް އިދިކޮޅު ފަރާތްތަކުން ވަނީ ފާޑު ކިޔާފައެވެ.