ތާޖުއްދީން ސްކޫލުން ވަގަށް ނެގި ޓެބްލެޓްތައް ފުލުހުން ހޯދައިފި އެވެ.
ފުލުހުން ބުނީ ތާޖުއްދީން ސްކޫލް ސްޓާފް ރޫމަށް ބަޔަކު ވަދެ ވައްކަންކޮށްފައިވާ ކަމުގެ މައުލޫމާތު މިއަދު ހެނދުނު 10:28 ހާއިރު ލިބިފައިވާ ކަމަށެވެ.
އެ ސްކޫލުން ވަގަށް ނެގި ތަކެތީގެ ތެރޭގައި ހިމެނެނީ ހަތް ޓެބްލެޓާއި އަތް ދަބަހެއް ކަމަށާއި މި ތަކެތި މިހާރު ހޯދާފައިވާ ކަމަށް ފުލުހުން ބުނެއެވެ. މި ތަކެތި ހޯދާފައިވަނީ ސީސީޓީވީ ފުޖޭޓްގެ އެހީގައި މާލޭގެ ގެއެއްގައި ފޮރުވާފައި ވަނިކޮށް ކަމަށްވެސް ފުލުހުން ބުނެއެވެ.
މި މައްސަލައާ ގުޅިގެން އަދި މީހަކު ހައްޔަރެއް ނުކުރެ އެވެ.