އަންނަ މަހުގެ 14 ވަނަ ދުވަހަކީ އަނެއްކާ ވެސް ތާޒާ ޖޯޑްތަކެއް ފިލްމަކުން ފެނިގެން ދާނެ ދުވަހެކެވެ.
އެ ފިލްމަކީ މިހާރު ވެސް ގިނަ ބަޔަކު ވަރަށް ބޮަޑަށް އިންތިޒާރު ކުރަމުން އަންނަ ޔާޝްރާޖް ފިލްމްސް (ވައިއާރްއެފް) ގެ "ގުންޑޭ" އެވެ.
މި ފިލްމުގެ ތަރިންނަކީ ޕްރިޔަންކާ ޗޯޕްޅާ އާއި ރަންވީރު ސިންގުގެ އިތުރުން އަރުޖުން ކަޕޫރެވެ.
ބެލުންތެރިން ތިބީ މި ތިން ތަރިންގެ ކެމިސްޓްރީ ބަލާލަން މިހާރު ވެސް ކެތްމަދުވެފަ އެވެ. ފިލްމުގެ ޓްރެއިލާތަކާއި ބައެއް ލަވަތައް ބެލުންތެރިންނާ ހަމައަށް މިހާރު ވަނީ އަންނަން ފަށައިފަ އެވެ.
އެގޮތުން އެންމެ ފަހުން "ގުންޑޭ" އިން އާންމު ކުރި ލަވައަކީ ޕްރިޔަންކާ އާއި ރަންވީރު "ގައިގޯޅި" މަންޒަރުތަކެެއް ދައްކުވައިދޭ ހިތްގައިމު ލަވަ "ޖިޔާ" އެވެ.
މި ލަވައިގެ މަންޒަރުތައް ނަގާފައި ވަނީ އޮމާނުގަ އެވެ. "ޖިޔާ" ލަވައިން ފެންނަ ގޮތުގައި ޒުވާން ދެ ތަރިން ކަމަށްވާ ޕްރިޔަންކާ އާއި ރަންވީރުގެ "ހޮޓް ކެމިސްޓްރީ" ލަވައިން ވަރަށް ރަނގަޅަށް ފެނިގެން ދެ އެވެ.
މީގެ ކުރިން ރަންވީރު ލީޑް ރޯލް ކުޅުނު "ރާމް-ލީލާ" ގެ އައިޓަމްް ލަވައެއްގައި ޕްރިޔަންކާ ހަރަކާތްތެރިވެފައިވެ އެވެ. އެކަމަކު އެ ލަވައިގައި ދެ މީހުން އެކުގައި މާ ގިނަ މަންޒަރުތަކެއް ނެތެވެ.
ބެލުންތެރިން ދެން ބަލާލަން ބޭނުން ވަނީ ޕްރިޔަންކާ އާއި އަރުޖުން ކެމިސްޓްރީ އެވެ.
އެކަމަށް ދެން މާ ގިނަ އިންތިޒާރެއް ކުރާކަށް ނުޖެހޭނެ އެވެ. ފިލްމު ރިލީޒް ކުރަން ކުޑަތަން ވަމުން އަންނަ އިރު، އިތުރު ލަވަތަކާއި އާ ޓްރެއިލާތައް ވެސް ފެނިގެން ދާނެ އެވެ.
ބަންގްލަދޭޝުން އިންޑިއާ އަށް ހިޖުރާ ކުރާ ދެ ޒުވާނެއްގެ ވާހަކަ ކިޔައިދޭ "ގުންޑޭ" އަކީ އަލީ އައްބާސް ޒަފަރު ލިޔެ، ޑައިރެކްޓްކޮށްފައިވާ ފިލްމެކެވެ.
މި ފިލްމުގައި ރަންވީރާއި އަޖުރުން ދެ ގުންޑޭ އިންގެ ގޮތުގައި ފެނިގެންދާ އިރު، ޕްރިޔަންކާ ފެނިގެން ދާނީ ބާ ޑާންސާރެއްްްގެ ގޮތުގަ އެވެ.