ރައީސް އަބްދުﷲ ޔާމީން މިއަދު އައްޑު އަށް ވަޑައިގަތުމުން ގަން އެއާޕޯޓުން ހޫނު މަރުހަބާއެއް ކިޔައިފި އެވެ.
އެ މަނިކުފާނަށް އެއާޕޯޓުން މަރުހަބާ ވިދާޅުވީ އައްޑޫ ޑެޕިއުޓީ މޭޔަރު ހަސަން ޝާހިދެވެ.
މީގެ އިތުރުން ސަރުކާރުގެ އެކިއެކި މުއައްސަަސާތަކުގެ މުވައްޒަފުންނާއި ޕީޕީއެމްގެ ގިނަ އަދަދެއްގެ ސަޕޯޓަރުން އެއާޕޯޓްގެ ވީއައިޕީ ލައުންޖް ސަރަހައްދުން ރައީސަށް މަރުހަބާ ކިޔާފައިވެ އެވެ.
މިއީ ރައީސްކަމާ ހަވާލުވެވަޑައިގަތުމަށް ރައީސް ޔާމީން އައެްޑު އަށް ކުރައްވާ ފުރަތަމަ ދަތުރުފުޅެވެ.
އަދި މިއީ މި މަހުގެ 18 ގައި ބާއްވާ ލޯކަލް ކައުންސިލް އިންތިހާބަށް ޕީޕީއެމާއި އެ ޕާޓީ އާ ގުޅިފައިވާ ކޯލިޝަނުން ވާދަ ކުރާ ކެންޑިޑޭޓުންނަށް ކެމްޕޭންކޮށް ދެއްވުމަށް ރައީސް ކުރައްވާ ދަތުރުފުޅެކެވެ.
މިއަދު އައްޑު އަށް ވަޑައިގެން ރައީސް ފުރަތަމަ ވަޑައިގެންނެވީ ޝަންގްރިއްލާ ވިލިގިލި ރިސޯޓް އެންޑް ސްޕާއަށެވެ.
އަދި މެންދުރު ފަހު ހުޅުމީދު އަށް ވަޑައިގަންނަވާނެ އެވެ. އޭގެ ފަހުން އަައްޑޫގެ އެހެން ރަށްރަށަށް ވެސް ވަކިވަކިން ވަޑައިގަންނަވާނެ އެވެ.
ރައީސް ބައިވެރިވެވަޑައިގަންނަވާ ޖަލްސާ އޮންނާނީ މިރޭ 9:00 ގައި ހިތަދޫ ޝަރަފުއްދީން ސްކޫލްގަ އެވެ.