އައްޑޫ ސިޓީ މީދޫ ފަތާ ޓްރެކް ސާފުކުރުމުގެ ބޮޑު ހަރަކާތެއް ބާއްވަން ނިންމައިފި އެވެ.
މީދޫ އަވަށު އޮފީހުން ހާމަކޮށްފައިވާ ގޮތުގައި މި އިވެންޓު ކުރިއަށް ދާނީ މިއަދު ހެނދުނު 7:30 އިން ފެށިގެންނެވެ.
މި އިވެންޓުގައި ހުޅުމީދޫ ޕޮލިސްގައި މަސައްކަތްކުރާ ފުލުހުންނާއި، އެމް.އެން.ޑީ.އެފް ފަޔަރ ސްޓޭޝަނުގައި މަސައްކަތްކުރާ ސިފައިން ބައިވެރިވާ ގޮތަށް ވަނީ ހަމަޖެހިފައެވެ. އަދި އެ އަވަށުގެ ޖަމްޢިއްޔާ ޖަމާޢަތްތަކާއި ކްލަބްތައްވެސް މި އިވެންޓުގައި ބައިވެރިވާނެކަމަށް އެ އޮފީހުން ވަނީ ބުނެފައެވެ.
މީގެއިތުރުން، ސާފުކުރުމުގެ މި އިވެންޓު ކުރިއަށްދާތީ، އާންމު ގޮތެއްގައި އެ ޓްރެކް ބޭނުން ނުކުރެވޭނެ ކަމަށްވެސް އެ އޮފީހުން ވަނީ އަންގާފައެވެ. އަދި މި އިވެންޓަކީ ގިނަ ވަގުތު ނަގާ ބުރަ މަސައްކަތަކަށްވުމާއެކު، އަވަށުގެ ރައްޔިތުންގެ ބައިވެރިވުމަށް އެދި އެ އޮފީހުން ވަނީ އެދިފައެވެ.
މީދޫގައި މިފަދަ ހަރަކާތެއް ކުރިއަށް ގެންދާއިރު، އާންމުކޮށް އެންމެން އެއްތަނަށް އެއްވެގެން ކުރިއަށް ގެންދެވޭ ހަރަކާތްތައް ކުރިއަށް ގެންދިއުން ހުއްޓާލަން އައްޑޫ ސިޓީ ކައުންސިލުން ވަނީ އަންގާފައެވެ.