އައްޑޫ ސިޓީ މަރަދޫފޭދޫ އަވަށުން ކޮވިޑް-19 އަށް ޕޮޒިޓިވްވި އެންމެން ބަލިން ރަނގަޅުވެއްޖެ އެވެ.
އައްޑޫ އެމަޖެންސީ އޮޕަރޭޝަންސް ސެންޓަރުން އެންމެ ފަހަކަށް ނެރުނު ތަފާސްހިސާބުތަކުން ދައްކާ ގޮތުގައި މަރަދޫފޭދޫ އަވަށުގައި އެންމެ އެކްޓިވް ކޭހެއްވެސް ނެތެވެ.
އައްޑޫގައި މިވަގުތު އެންމެ ގިނަ އެކްޓިވް ކޭސްތައް އުޅެނީ ހިތަދޫ އަވަށުގައެވެ. އެގޮތުން ހިތަދޫގައި 88 އެކްޓިވް ކޭސް އުޅޭއިރު، ދެވަނަ އަށް އެންމެ އެކްޓިވް ކޭސްތައް ގިނައީ މަރަދޫގައެވެ. އެގޮތުން މަރަދޫގައި މިވަގުތު ޖުމުލަ އެކްޓިވް 10 ކޭސް އެބަ އޮތެވެ. އައްޑޫގެ އެހެން އަވަށްތަކަށް ބަލާލާއިރު، ހުޅުދޫ އަވަށުގައި 8 ކޭސް އަދި މީދޫ އަވަށުގައި 3 ކޭސް އެބައުޅެއެވެ. މިއާއެކު، އައްޑޫގެ އެކްޓިވް ކޭސްތަކުގެ އަދަދު އުޅެނީ 112 ގައެވެ.
އައްޑޫ ސިޓީ ގަމުގައިވެސް އެކްޓިވް 1 ކޭސް އުޅޭކަމަށް އައްޑޫ އީއޯސީ އިން ވަނީ ބުނެފައެވެ. އަދި މިވަގުތު ކޮވިޑް ބައްޔަށް ފަރުވާ ދިނުމަށް އައްޑޫ ކޮވިޑް މެނޭޖްމަންޓް ފެސިލިޓީގައި އެކަކަށް އަންނަނީ ފަރުވާ ދެމުންނެވެ. ކޮވިޑް-19 ގައި އައްޑޫއިން 12 މީހަކު މަރުވެފައިވާއިރު، ދުވާލެއްގެ މައްޗަށް އެވްރެޖްކޮށް 100 ސާމްޕަލް އައްޑޫއިން ނަގައެވެ.