4 މަސް ފަހުން އައްޑޫގައި ކޮވިޑް-19 އެކްޓިވް ކޭސްތައް 100 އިން ދަށަށް ގޮސްފައިވާ ކަމަށް އައްޑޫ އެމަޖެންސީ އޮޕަރޭޝަންސް ސެންޓަރުން ބުނެފިއެވެ.
އެ ސެންޓަރުން ހާމަކޮށްފައިވާ ތަފާސްހިސާބުތަކަށް ބަލާއިރު، އައްޑޫގެ އެކްޓިވް ކޭސްތައް ފާއިތުވި 4 މަސް ދުވަސް ތެރޭގައި އުޅުނީ 100 އަށްވުރެ މަތީގައެވެ. ނަމަވެސް މިއަދު އެ ސެންޓަރުން ނެރެފައިވާ ތަފާސްހިސާބުތަކަށް ބަލާއިރު، އައްޑޫގެ އެކްޓިވް ކޭސްތަކުގެ އަދަދު ވަނީ 96 އަށް ދަށްވެފައެވެ.
އައްޑޫގައި ކޮވިޑް-19 ފެތުރެން ފެށިފަހުން އެކްޓިވް ކޭސްތަކުގެ އަދަދު 100 އަށްވުރެ ތިރީގައި އެންމެ ފަހަކަށް ރިކޯޑް ކުރެވިފައިވަނީ 13 އޮގަސްޓު 2021 ގައެވެ. އެއީ 99 އެކްޓިވް ކޭހެވެ.
އައްޑޫ ސިޓީގައި ކޮވިޑް-19 ފެތުރުން ކޮންޓްރޯލް ކުރެވިފައިވާއިރު، މިއަދު ޕޮޒިޓިވް ވެފައިވަނީ އެންމެ މީހެކެވެ. އެ މީހާއަކީ ފްލޫ ކްލިނިކަށް ދެއްކި ހިތަދޫ މީހެއްކަމަށް މައުލޫމާތު ލިބެއެވެ.