އިންޓަނޭޝަނަލް ޗިލްޑަންރަންސް ޑޭ ފާހަގަކުރުމުގެ ގޮތުން އައްޑޫ ސިޓީގައި ހިންގާ ހަރަކާތްތަކުގެ ތެރެެއިން ހުޅުދޫގައި މިއަދު ބާއްވަން ހަމަޖެއްސި ކަލަރރަން ކެންސަލް ކޮށްފި އެވެ.
ފަސްސަތޭކައަަކަށްވުރެ ގިނަ ކުދިން ބައިވެރިވުމަށް ނިންމާފައިވާ ކަލަރރަން ބާއްވަން މިއަދު ނިންމާފައި އޮތީ ހަވީރު 4.00ގައި އެވެ. އެހެން ނަމަވެސް އެންމެ ފަހު ވަގުތު އެ އިވެންޓް ކެންސަލް ކުރަން ޖެހުނީ އައްޑޫ ސިޓީ މޮނިޓަރިންގައި ހާލަތުން ނުނަގާ އޮތުމުންނެވެ. އެެހެން ކަމުން ދެން އެ އިންވެންޓް އޮންނާނެ ވަކި ދުވަހެއް އަދި ނާންގަ އެވެ.
އިންޓަނޭޝަލް ޗިލްޑްރަންސްޑޭ ފާހަގަކުރުމަށް ޔުނިސެފާއި ފުލުހުންނާއި ޖެންޑާ މިނިސްޓްރީން ގުޅިގެން އައްޑޫގައި ގިނަ ހަރަކާތްތަކެއް ހިންގަން ހަމަޖައްސާފައިވެ އެވެ.
އެގޮތުން މާދަމާ އޮންނާނީ ހޭލުންތެރިކުރުމުގެ ޕްރޮގުރާމަކާއި ކުރެހުމުގެ މައުރަޒެއް ބާއްވާ ގޮތައް ވަނީ ހަމަޖެހިފަ އެވެ. އަދި މި މަހުގެ 21 ވަނަ ދުވަހު ކުޑަކުދިންގެ ހަވީރެއް މީދޫގައި ބާއްވާ ގޮތައް ވަނީ ހަމަޖައްސާފަ އެވެ.