ކުޑަކުދިންގެ ދުވަހެއް ފާހަގަކޮށް އެއްދުވަހުން އެކަން ނިންމާލުމުން ނުފުދޭ ކަމަށާއި ތުއްތުކުދިން ބޮޑުވަމުން އަންނަނީ ރައްކާތެރިިކަމާއެކު ލިބެންޖެހޭ ހައްގުތައް ލިބިގެންކަން ކޮންމެ ދުވަހަކުވެސް ކަށަވަރުކުރަން ޖެހޭ ކަމަށް ކަމަށް އައްޑޫ ސިޓީ ހުޅުދޫ ދާއިރާގެ ކައުންސިލަރު ހުސެއިން ފައިއްޒުއްރަހްމާން ވިދާޅުވެއްޖެ އެވެ.
ދުނިޔޭގެ ކުޑަކުދިންގެ ދުވަސް ފާހަގަކުރުމުގެ ގޮތުން އައްޑޫ ސީޓީ ހުޅުދޫ-މިދޫގައި ބިލްބޯޑް ހަރުކުރަން ފެށުމުގެ ހަފްލާގައި ވާހަކަ ދައްކަވަމުން ފައިއްޒު ވިދާޅުވީ ކުޑަދިންނަށް ލިބޭ ގޯނާތަކުން އެކުދިން ސަލާމަތްވެ، ރާއްކާތެރިކަމާއެކު ބޮޑުވަމުން އަންނަކަން މުވައްސަސާތަކާއި ރައްޔިތުންގެކުރާ މަސައްކަތުން ކަށަވަރުވާން ޖެހޭނެ ކަމަށެވެ.
"އޭގެ ތެރޭގައި އެކުދިންނަށް ރަނގަޅުކާނާ ލިބޭތޯ ޔަގީންކޮށްދޭންޖެހޭ. އެކުދިންނަށް ކުޅިވަރުކުޅެވޭނެ މަގުތައް އަޅުގަނޑުމެނަށް ފަހި ކޮށްދެވިފައިވޭތޯ ކަށަވަރުކުރަންޖެހޭ. އެކުދިންނަށް ކިޔެވުމުގެ ފުރުސަތު ފަހިކޮށްދެވިފައިވޭތޯ އަޅުގަނޑުމެން ބަލަންޖެހޭ،" ފައިއްޒު ވިދާޅުވި އެވެ.
ކުޑަކުދިންނަށް ލިބެންޖެހޭ ރައްކާތެރިކަމާއި ހައްގުލިބޭކަން ކަށަވަރުކުރުމަށް އައްޑޫ ސީޓީންވެސް މިހާރަށްވުރެ ބޮޑަށް ކަށަވަރުކުރާނެ ކަމުގެ ޔަގީންވެސް ފައިއްޒުވަނީ ދެއްވާފަ އެވެ.
"ފުލުހުންނާ ގުޅިގެން، އަޅުގަނޑުމެން ރައްޔިތުންނާ ގުޅިގެން ކުރާ މަސައްކަތުގައި އިރާދަކުރެއްވިއްޔާ އަޅުގަނޑުމެންގެ ކުޑަކުދިންނަށް. މާދަމާގެ ޖީލްތަކަށް ފުރިހަމަ ތަނަވަސް ދިރިއުޅުމެއް ހޯދަދިނުމުގެ މަސައްކަތް ކުރިއަށް ގެންދެވޭނެ،" އޭނާ ވިދާޅުވި އެވެ.
ދުނިޔޭގެ ކުޑަކުދިންގެ ދުވަސް ފާހަގަކުރުމުގެ ގޮތުން އައްޑޫ ސިޓީގައި ބާއްވާ ހަރަކާތްތްތަކީ މީގެ ކުރިން ދުވަހަކުވެސް ނުބައްވާހާ ފުރިހަމައަށް ބާއްވާ ހަރަކާތްތަކެއްކަން ފާހަގަކޮށް ފައިއްޒު ވަނީ އެކަމަށް ޝުކުރު އަދާ ކުރައްވާފަ އެވެ. ހުޅުދޫ އާއި މީދޫގައި ހޭލުންތެރިކުރުމުގެ ގޮތުން އެކި ސަރަހައްދުތަކުގައި ބިލްބޯޑްތައް ހަރުކުރުމަށް ވަނީ ހަމަޖެހިފަ އެެވެ.