އައްޑޫގައި ހިންގާ ޝަންގްރިއްލާ ވިލިގިލި ރިސޯޓް އެންޑް ސްޕާ އިން ސަޕްލައި ފެން ހުސްވެފައިވާ ކަމަށް އެނގިއްޖެ އެވެ.
އިތުބާރު ހުރި ފަރާތަކުން "އައްޑޫ ލައިވް" އަށް މިއަދު ބުނީ ރާއްޖޭގެ އެންމެ ފެންވަރު ރަނގަޅު އަދި އެންމެ އަގު ބޮޑު އެއް ރިސޯޓްގެ ގޮތުގައި ހިމެނޭ ޝަންގްރިއްލާ ވިލިގިލިން ސަޕްލައި ފެން ހުސްވީ އެތަނުގެ ސަޕްލައި ފެނުގެ ނިޒާމަށް ދިމާވި ޓެކްނިކަލް މައްސަލައަކާ ގުޅިގެން ކަމަށެވެ.
އެގޮތުން ރިސޯޓްގެ ކޮޓަރިތަކަށާއި އަދި އެހެން ކަންކަމަށް ފެން ލިބުމުގެ ދަތިކަން ވަރަށް ބޮަޑަށް ކުރިމަތިވެފައިވާ ކަމަށް އެނގިފައިވެ އެވެ.
މިކަމާ ބެހޭ ގޮތުން އެ ރިސޯޓްގެ ބަހެއް ހޯދަން ކުރި މަސައްކަތް އަދި ކާމިޔާބުވާ ގޮތެއް ނުވެ އެވެ.