ޝަންގްރިއްލާ ވިލިގިލި ރިސޯޓް އެެންޑް ސްޕާގެ ސަޕްލައި ފެނުގެ ނިޒާމަށް މައްސަލަތަކެއް ޖެހި ހެފުނޔގެ ހިދުމަތް މެދުކެނޑިފައި ނުވާ ކަމަށް އެ ރިސޯޓުން ބުނެފި އެވެ.
ޝަންގްރިއްލާގެ އިސް އޮފިޝަލަކު މިއަދު ވިދާޅުވީ އެތަނުގެ ރޫމަކުން ފެން ލީކްވުމުގެ މައްސަލައެއް ދިމާވެގެން އެކަން ހައްލު ކުރުމުގެ މަސައްކަތް ކުރިއަަަށްދާ ކަމަށެވެ.
"އެ ނޫން އިތުރު އެއްވެސް މައްސަލައެއް ދިމާވެފައެއް ނެތް. ރިސޯޓްގެ ޓޭންކް ވެސް ހަމަ ބަރާބަރަށް ހުރީ. އެކަމަކު ރިސޯޓްގެ ރޫމަކާ ދިމާލުން ލީކެއް އުޅޭތީ މަރާމާތު ކުރުމުގެ މަސައްކަތް ކުރިއަށްދޭ،" އޭނާ ވިދާޅުވި އެވެ. "ހަމަ ބަރާބަރަށް ފެނުގެ ހިދުމަތް ލިބެމުން ދަނީ."
އޭނާ އިތުރަށް ވިދާޅުވީ ރިސޯޓްގައި ގިނަ އަދަދަކަށް ޓޫރިސްޓުން ވެސް އެބަ ތިބި ކަމަށެވެ.
"އެކަހަލަ މައްސަލައެއް އުޅޭ ނަމަ ކިހިނެއްތޯ އަޅުގަނޑުމެން މިތަނުގައި ޓޫރިސްޓުން ބައިތިއްބައިގެން ތިބޭނީ. ފެނުގެ މައްސަލައެއް ނެތް. ހަމަ ވަރަށް ރަނގަަޅަށް ކުރިއެކޭ ވެސް އެއްގޮތަށް ފެނުގެ ހިދުމަތް ރިސޯޓަށް ލިބެމުން އަންނަނީ،" އޭނާ ވިދާޅުވި އެވެ.