އުރީދޫ މޯލްޑިވްސް އިން "އިމަޖެންސީ ޑޭޓާ" ގެ ހިދުމަތް ތައާރަފުކޮށްފި އެވެ.
މިއީ ފޯނުން ކްރެޑިޓް ހުވެފައި އޮތް ގަޑިއެއްގައި ވެސް އިންޓަނެޓަށް ވަދެވޭ ގޮތަށް ތައާރަފް ކުރި ހިދުމަތެކެވެ.
އުރީދޫން ނެރުނު ބަޔާނެއްގައި ބުނަނީ ކްރެޑިޓް އަދި ޑޭޓާ އެލަވަންސް ހުސްވުމުން ވެސް 350 އެމްބީއާ ހަމައަށް މި ހިދުމަތް މެދުވެރިކޮށް ޑޭޓާ އެލަވަންސް ހޯދައިގެން ބޭނުން ކުރެވޭނެ ކަމަށެވެ.
މި ހިދުމަތް ބައްޓަން ކޮށްފައިވަނީ މެދުކެނޑުމެއް ނެތި އުރީދޫގެ ކަސްޓަމަރުންނަށް ޑޭޓާގެ ހިދުމަތް ހޯދޭ ގޮތަށެވެ. އުރީދޫގެ ކަސްޓަމަރުން #141* އަށް ގުޅުމަށް ފަހު އިމަޖެންސީ ޑޭޓާ އެލަވަންސް ހޯދެ އެވެ.
މި ހިދުމަތް މެދުވެރިކޮށް 30 އެމްބީ އާއި 150 އެމްބީ އަދި 350 އެމްބީއާ ހަމައަށް އެލަވަންސް ހޯދޭނެ އެވެ. އިމަޖެންސީ ޑޭޓާ ހޯދުމަށް ކުރާ ރީޗާޖުން 10 ޕަސެންޓް ހިދުމަތުގެ ފީގެ ގޮތުގައި ނަގަ އެވެ.
އުރީދޫން އަދި ބުނީ އިމަޖެންސީ ކްރެޑިޓްގެ ހިދުމަތް ލިބޭނީ އުރީދޫ ޕްރިޕެއިޑާއި، މިކްސް އަދި އެމްވީޕީއެމް ޕްރިޕެއިޑްގެ ހިދުމަތް ބޭނުންކުރާތާ ހަ މަސް ވެފައިވާ ކަސްޓަމަރުންނަށް ކަމަށެވެ.