ކޮމަންޑޫ ދާއިރާގެ ބައި އިލެކްޝަނުގައި ސަރުކާރު ހިންގައި ކޯލިޝަންގެ މައި ޕާޓީ އެމްޑީޕީން ވާދަކުރާ ކެންޑިޑޭޓުގެ ކެމްޕެއިން ލޯންޗްކުރުމަށް ބާއްވާ ޖަލްސާ އަންނަ ހުކުރު ދުވަހު އޮންނާނެ ކަމަށް އެމްޑީޕީން ބުނެފި އެވެ. އެ ޕާޓީން ބުނި ގޮތުގައި މި ޖަލްސާގައި އެ ޕާޓީގެ އެންމެ އިސް ލީޑަރ، ރައީސް އިބްރާހިމް މުހައްމަދު ސޯލިހް މި ޖަލްސާގައި ބައިވެރިވަޑައިގަންނަވާނެ އެވެ.
އެމްޑީޕީގެ ކެންޑިޑޭޓު މުހައްމަދު ރާޝީދުގެ ކެމްޕެއިން ފެށުމަށް ބާއްވާ ޖަލްސާގައި ބައިވެރިވަޑައިގަތުމަށް ރައީސް ކޮމަންޑޫއަށް ވަޑައިގަންނަވާ ގޮތައް ހަމަޖެހިފައިވަނީ ހުކުރު ދުވަހު އެވެ.
Rayyithunge Majlis #KomandooDhaairaa by-election MDP Candidate @Rashid141221 ge Campaign launching jalsa ah advance team ge beyfulhun furaa vadaigannavaifi pic.twitter.com/MALas5Uh8M
— MDP Secretariat (@MDPSecretariat) January 5, 2022
އަންނަ މަހު ބާއްވާ ކޮމަންޑޫ ދާއިރާގެ ބައި އިލެކްޝަނުގައި ތިން ޕާޓީއަކުން ކެންޑިޑޭޓުން ވާދަކުރެ އެވެ. އެއީ ސަރުކާރު ހިންގައި ކޯލިޝަންގެ މައި ޕާޓީ އެމްޑީޕީ އާއި އިދިކޮޅު ކޯލިޝަނުގެ މައި ޕާޓީ ޕީޕީއެމްގެ އިތުރުން އަލަށް އުފައްދާފައިވާ އެމްއެންޕީއިންނެވެ.
އެމްއެންޕީއިން މިއަދު ބުނީ އެ ޕާޓީގެ ކެންޑިޑޭޓް އަބްދުލް ހަންނާނު އިދްރީސްއަށް ތާއީދު ހޯދުމަށް ބާއްވާ ފުރަތަމަ ޖަލްސާ މާދަމާ ރޭ ކޮމަންޑޫގައި އޮންނާނެ ކަމަށެވެ. އެ ޖަލްސާގައި އެމްއެންޕީގެ ލީޑަރު މުހައްމަދު ނާޒިމާއި އެ ޕާޓީގެ ލީޑަރޝިޕްގ ބޭފުޅުންގެ އިތުރުން ޕާޓީގެ އާއްމު މެމްބަރުން ބައިވެރިވާނެ ކަމަށް އެ ޕާޓީން ވަނީ ބުނެފަ އެވެ.
Great to arrive at Shaviyani Komandoo to support @MNP_Secretariat candidate @HannanMNP! Wonderful work by our team here! @nazim7878 @riyazabdulla @shar_f pic.twitter.com/TQ5nzoQ0oX
— Dunya Maumoon (@dunyamaumoon) January 3, 2022
ޕީޕީއެމް ނެރިފައިވާ ކެންޑިކެންޑިޑޭޓުގެ މުސާ ފަތުހްރީގެ ކެމްޕެއިން ޖަލްސާއެއް އަދި ކޮމަންޑޫ ދާއިރާއަކު ނުބާއްވަ އެވެ. އެ ޕާޓީގެ އިސް ވިދާޅުވީ އެ ޕާޓީގެ ޖަލްސާ ބާއްވާނީ މި މަހުގެ ދިހައެއްގެ ފަހުން ކަމަށެވެ. އެހެން ނަމަވެސް އެ ޕާޓީގެ ލީޑަރޝިޕްގެ އިސް ބޭފުޅުން ދަނީ ކޮމަންޑޫ ދާއިރާއަށް ވަޑައިގެން ކެމްޕެއިން ކުރައްވަމުންނެވެ.
Sh. Foakaidhoogai miadhuves campaign team dhorun dhorah. Rayyithun mifaharu vote dheyn beynun vany PPM ge candidate Moosa Fathuhy Adam ah. 2✅#tick2#VoteFathuhy#VoteRukah #MeeMageyRaajje#IndiaOut pic.twitter.com/jYy6cdjeCE
— Progressive Party of Maldives (@ProgressPartyMV) January 2, 2022
ކޮމަންޑޫ ދާއިރާގެ ބައި އިލެކްޝަން ބާއްވަނީ އެ ދާއިރާގެ ގޮނޑި ފުރުއްވަމުން ގެންދެވި ކެންޑިޑޭޓު އަވަހާރަވުމާ ގުޅިގެން އެ ގޮނޑި ހުސްވެފައިވާތީ އެވެ.