މަސްތުވާތަކެތި ކަމަށް ޝައްކު ކުރެވޭ އެއްޗެއް ހުރި ސެލޯފިންކޮޅަކާ އެކު ސ.ގަން ފުލުހުންގެ ބެލުމުގެ ދަށަށް މީހަކު ގެންގޮސްފި އެވެ.
މި މައްސަލާގައި ފުލުހުންގެ ބެލުމުގެ ދަށަށް ގެންދިޔައީ 23 އަހަރުގެ ފިރިހެނެކެވެ. އޭނާއަކީ މަސްތުވާތަކެތީގެ އިތުރުން މާރާމާރީ އާއި ބަދުއަހުލާގީ މައްސަލަތަކުގެ ރެކޯޑްސް އޮންނަ މީހެއް ކަމަށް ފުލުހުން ބުންޏެވެ. އެކަމަކު އޭނާގެ ނަމާއި ރަށެއް ވެސް ފުލުހުން ހާމައެއް ނުކުރެ އެވެ.
އޭނާ ފުލުހުންގެ ބެލުމުގެ ދަށަށް ގެންދިޔައީ ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން ގަން ޕޮލިސް ސްޓޭޝަނުގެ ފަރާތުން ހިންގި ޙާއްސަ އޮޕްރޭޝަސެއްގައި އިއްޔެ ރޭ ދަންވަރު 02:00 ހާއިރު އެވެ.
މަސްތުވާތަކެތި ކަމަށް ޝައްކު ކުރެވޭ އެއްޗެއް ހުރި ސެލޯފިންކޮޅު ފެނިފައި ވަނީ އޭނާ ދިރިއުޅެމުންދާ ކޮޓަރި ބަލައި ފާސް ކުރި އިރު އެކޮޓަރިތެރެއިންނެވެ.
މި މައްސަލަ ގަން ޕޮލިސް ސްޓޭޝަނުން އަންނަނީ އިތުރަށް ތަހުގީގު ކުރަމުންނެވެ.