ޕީޗަކީ އިންސާނާގެ ހަންގަނޑަށް ގިނަ ފައިދާތަކެއް ލިބިދޭ އެއްޗެކެވެ. ހަންގަނޑު ސާފު ކުރުމަށް ނުވަތަ މޫނު ދޮވުމަށް ބޭނުން ކުރާ ގިނަ އުފެއްދުންތައް ހިޔާރު ކުރުމުގައި ޕީޗުން ތައްޔާރުކޮށްފައިވާ އުފެއްދުންތަކަށް މީހުން ސަމާލުކަން ދެނީ ވެސް މި ސަބަބާ ހެދި އެވެ.
ޕީޗްގައި މިނަރަލްތަކާއި މުހިއްމު އެންޓި އޮކްސިޑެންޓް ހިމެނެ އެވެ. ޕީޗް ބޭނުން ކުރުމުން ހަންގަނޑު މަޑުކޮށްދީ، ހަންގަނޑު އޮމާންވެ، ރީތިވުމަށް މަގުފަހިވެ އެވެ.
އަދި އެއިން ހަންގަނޑުގެ ކުލަ އަލިކޮށް ދިނުމަށް އެހީތެރިވެދެ އެވެ. އާންމު ގޮތެއްގައި ހަންގަނޑަށް ދިމާވާ ގިނަ މައްސަލަތަކަށް ޕީޗުން ފަރުވާ ލިބެ އެވެ.
ޕީޗުގެ ފައިދާ ހޯދުމަށް އެ މޭވާ ކެއުމުގެ އިތުރުން ފޭޝަލް މާސްކެއް ވެސް ތައްޔާރުކޮށް ލެވިދާނެ އެވެ.
ޕީޗް ބޭނުންކޮށްގެން ޕޭޝަލް މާސްކެއް ތައްޔާރު ކުރުމަށް ޕީޗް ރަނގަޅަށް ބްލައިންޑް ކޮށްލުމަށް ފަހު ލުނބޯ ހުތާއި އަތުން ތޮށި ނޮޅޭ ވަރަށް ފާވެފައި ހުންނަ ފަޅޮލާ އެކު ރަނގަޅަށް މިކްސް ކުރާށެވެ.
އެއިން ތައްޔާރު ކުރި ޕޭސްޓްގަނޑު މޫނުގައި އުނގުޅުމަށް ފަހު ހިނކެންދެން ބަހައްޓާށެވެ. ހިނކުނީމާ ފިނިފެން (ރޯސް ވޯޓާ) އިން މޫނު ދޮވެލާށެވެ.