ބޮލީވުޑްގެ ބަތަލާ ސަމީރާ ރެޑީ ކައިވެނިކޮށްފި އެވެ.
ސައިކަލް އުފެއްދުގެ ވިޔަފާރީގައި ހަރަކާތްތެރިވާ އަކްޝާއީ އާއި ސަމީރާ މިދިޔަ އަހަރުގެ ޑިސެމްބަރު އެންގޭޖްވުމަށް ފަހު، ކައިވެނިކުރަން ކުރިން ނިންމާފައި އޮތީ އަންނަ އެޕްރީލްގަ އެވެ.
އެހެން ނަމަވެސް އޭގެ މާ ކުރިން ކާމިޔާބް ފިލްމުތަކެއް ކުޅެފައިވާ ސަމީރާ އާއި އަކްޝާއީ ކައިވެނި ކުރީ އިއްޔެ އެވެ
ކައިވެނީގެ ރަސްމިއްޔާތުގައި ބައިވެރިވީ ދެ ފަރާތުގެ އާއިލާގެ މީހުންނާއި ހަމައެކަނި ގާތް ރައްޓެހިންނެވެ.
ސަމީރާގެ ފާހަގަކޮށްލެވޭ ބައެއް ފިލްމުތަކުގެ ތެރޭގައި "މުސާފިރް" އަދި "ރޭސް" ފަދަ ފިލްމްތައް ހިމެނެ އެވެ.
އޭނާ އެންމެ ފުރަތަމަ ކެމެރާގެ ކުރިމައްޗަށް ނިކުތީ މަޝްހޫރު ގަޒަލް ކިއުންތެރިޔާ ޕަންކަޖް އުދާސްގެ ވީޑިއޯ ލަވައަކުންނެވެ.
ސަމީރާއަކީ ބޮލީވުޑްގެ އިތުރަށް އިންޑިއާގެ ސައުތު ފިލްމް އިންޑަސްޓްރީގައި ވެސް މަސައްކަތް ކުރާ ބަތަލާއެކެވެ.
ކައިވެންޏަށް ފަހު އޭނާ ފިލްމް ކުޅޭނެތޯ ނުވަތަ ނޫންތޯ އަދިއެއް ނޭނގެ އެވެ.