ސ. ފޭދޫގައި އިމާރާތްކޮށްފައިވާ ހައުސިން ޔުނިޓްތަކަށް ކުރިމަތިލުމުގެ ފުރުސަތު މިހާރު ހުޅުވާލާފައިވާ އިރު، ކުރިން ޑައުންޕޭމަންޓްގެ ގޮތުގައި ދައްކަން ޖެހޭ 30،000ރ. މިހާރު 19،000ރ. އަށް ކުޑަކޮށްފައިވާ ކަމަށް ހައުސިން މިނިސްޓްރީން ބުނެފި އެވެ.
އެ މިނިސްޓްރީން ބުނީ އެ ގޮތަށް ނިންމީ އާންމުންނަށް ލުއެއް ދިނުމުގެ ގޮތުން ކަމަށާއި މީގެ ސަބަބުން ޔުނިޓްތައް ލިބޭ ފަރާތްތަކަށް ފައިސާ ދައްކަން ވަރަށް ބޮޑަށް ފަސޭހެ ވާނެ ކަމަށެވެ.
ޑައުންޕޭމަންޓް 30،000ރ. އިން 19،000ރ. އަށް ކުޑަ އިރު އިރު، ކުރިން މަހު ކުލީގެ ގޮތުގައި ދައްކަން ޖެހޭ 4،500ރ. ވެސް 2011 ވަނަ އަހަރުގެ ތެރޭ ވަނީ 3،000ރ. އަށް ކުޑަކޮށްފަ އެވެ.
ފޭދޫގެ ދެ ދިމާލެއްގައި އިމާރާތްކޮށްފައިވާ 25 ހައުސިން ޔުނިޓް ދޫކުރުމުގެ ކަންތައް މިހާރު ކުރިއަށް ގެންދަނީ ސީދާ ހައުސިން މިނިސްޓްރީގެ ދަށުންނެވެ.
އެގޮތުން މިކަމަށް އެދޭ ފޯމް އެ މިނިސްޓްރީންނާއި ފޭދޫ އަވަށު އޮފީހުން މި މަހުގެ 19 ވަނަ ދުވަހުން ފެށިގެން ވަނީ ދޫކުރަން ފަށާފަ އެވެ.
ފޯމް ލާން ޖެހޭ އެންމެ ފަހު ތާރީހަކީ އަންނަ މަހުގެ 16 ވަނަ ދުވަހެވެ.