ކަރަން ޖޯހަރުގެ "ސްޓޫޑަންޓް އޮފް ދި އިޔާ" އިން ބޮލީވުޑަށް ނިކުތް ޒުވާން އެކްޓަރު ވަރޫންގެ ދެވަނަ ފިލްމް "މޭ ތޭރާ ހީރޯ" ގެ ފުރަތަމަ ޓްރެއިލާ މިއަދު ރިލީޒްކޮށްފި އެވެ.
މި ފިލްމް ޑައިރެކްޓްކޮށްފައި ވަނީ ކާމިޔާބް ވަރަށް ގިނަ ފިލްމްތައް ބެލުންތެރިންނާ ހަމައަށް ގެނެސް ދީފައިވާ ވަރޫންގެ ބައްޕަ ޑޭވިޑް ދަވަން އެވެ.
"މޭ ތޭރާ ހީރޯ" އަކީ ޑޭވިޑްގެ އެހެން ފިލްމުތަކާ އެއްގޮތަށް ހެއްވާ މަޖާ ހާދިސާތަކެއް ދައްކުވައިދޭ ލޯބީގެ ފިލްމެކެވެ.
އެކްތާ ކަޕޫރުގެ ބަލާޖީން ޕްރޮޑިއުސްކޮށްފައިވާ މި ފިލްމުގައި ވަރޫން ފެނިގެން ދާނީ ނަރުގިސް ފަހްރީ އާއި އިލިއާނާ ޑި ކްރޫޒާ އެކުގަ އެވެ.
"މޭ ތޭރާ ހީރޯ" ސިނަމާތަކަށް އަންނާނީ އެޕްރީލް 4 ގަ އެވެ.
މިއީ ވަރޫންގެ ދެވަނަ ފިލްމަށްވުމާ އެކު ބެލުންތެރިން ތިބީ މިހާރު ވެސް މި ފިލްމް ބަލާލަން ކެތްތެރިކަން ކުޑަވެފަ އެވެ.