ފުލުހުން އިއްޔެ ސ. ހިތަދޫގައި ހިންގި އޮޕަރޭޝަނެއްގައި ގިނަ އަދަދެއްގެ ފައިސާ އާއި މަސްތުވާތަކެތި ކަމަށް ބެލެވޭ ތަކެއްޗާ އެކު އެ ރަށު ދޮނަކުޅިގެ އާއި ޑިވައިންޓެސްޓް ގެއިން ހައްޔަރު ކުރި މީހުންގެ ތެރެއިން ދެ މީހަކު ދޫކޮށްލައި، ތިން މީހަކު ބަންދުގައި އެބަ ތިބި ކަމަށް ފުލުހުން ބުނެފިއެވެ.
ފުލުހުން ބުނީ މި މައްސަލާގައި ދޫކޮށްލީ ހިތަދޫ ވެސްނޫގަސްދޮށުގޭ ހުސައިން ރިޔާޒާއި މޮހޮރީގޭ މުހައްމަދު ރިފާއު ކަމަށެވެ.
އަދި ކޯޓުން ބަންދުގެ މުއްދަތު އިތުރުކޮށް ދީގެން މި ވަގުތު ހައްޔަރުކޮށްފައި ތިބީ 231،845ރ. އާ އެކު ހައްޔަރު ކުރި ދޮނަކުޅިގޭ ހަސަން ފަރީދާއި އެ ގޭ ފިރާގް އަބްދުއްރަހީމްގެ އިތުރުން ރާހަތުއްސަބާހު ހުސައިން ޖުމާން އަލީ ކަމަށް ފުލުހުން ބުންޏެވެ.