ޔޫތު މިނިސްޓްރީގެ ސްޓޭޓް މިނިސްޓަރު އަސްހަދު އަލީ (އަޑުބަރޭ)އަށް އިއްވި ޖަލު ހުކުމާއެކު އޭނާ މަގާމުން ވަކިކޮށްފިއެވެ.
އަޑުބަރޭގެ މައްޗަށް 15 ދުވަހުގެ ޖަލު ހުކުމެއް އިއްވީ އަލީ ވަހީދަށް ޖާމިނުވެ، އެ ޖާމިނުވި އެއްބަސްވުމާ އެއްގޮތަށް އަލީ ވަހީދު ރާއްޖެ ގެނެސްދީފައި ނުވާތީއެވެ.
އައްސަދު ޔޫތް މިނިސްޓްރީގެ ސްޓޭޓް މިނިސްޓަރުގެ މަގާމުން ވަކިކޮށްފައިވާކަން ރައީސް އޮފީހުން ވަނީ "އައްޑުލައިވް"އަށް ކަށަވަރު ކޮށްދީފައެވެ.
މައުލޫމާތު ލިބިފައިވާ ގޮތުގައި މިވަގުތު އަޑުބަރޭ ހުންނެވީ ރަސްމީ ދަތުރެއްގައި ށ. އަތޮޅުގައެވެ.
އަޑުބަރޭ ޖަލަށް ލުމަށް އަމުރުކުރެއްވި ކްރިމިނަލް ކޯޓުގެ ގާޒީ ހަސަން ސައީދު ވިދާޅުވީ، އޭނާގެ މައްޗަށް އަބަދު ކަނޑައަޅަން ޖެހުނީ އަލީ ވަހީދު ގެންނަން އަޑުބަރޭ ކުރި މަސައްކަތެއް އެނގެން ނެތުމުންނެވެ. އެހެންވެ ކޯޓުން ކޮށްފައިވާ އަމުރާ އެއްގޮތައް 72 ގަޑިއިރުގެ ތެރޭގައި އަލީ ވަހީދު ރާއްޖެ ނުގެނައުމަކީ ކޯޓުގެ އެންގުމަކާ ޚިލާފުވެ، ކޯޓުގެ ހުރުމަތް ކެނޑުން ކަމަށް ގާޒީ ނިންމެވި އެވެ.