ރިޔާސީ އިންތިހާބަށް ދޮޅު އަހަރަށް ވެފައިވަނިކޮށް ކޮމަންޑޫ ދާއިރާގެ ބައި އިލެކްޝަނެއް ބާއްވަން ޖެހުމުން މި އިންތިހާބު ވެފައިވަނީ ރައީސުލް ޖުމްހޫރިއްޔާ އިންތިހާބު ކުރަން ބާއްވާހާ ވާދަވެރިކަން ބޮޑު ފޯރިގަދަ އިންތިހާބެކަށެވެ. ސަރުކާރުން ވެސް އަދި އިދިކޮޅުންވެސް ދެކެނީ މިއީ މުޅި ރާއްޖޭގެ ރައްޔިތުން ތިބިގޮތް ދައްކަދޭ ރިޔާސީ އިންތިހާބެއް ފަދައިންނެވެ. އެކަން ފާއިތުވި ދުވަސްތަކުގައި ކުރި ކެމްޕެއިންތަކުން ވެސް އެނގިގެން ހިނގައްޖެ އެވެ. އެހެން ގޮތަކަށް ބުނާނަމަ 2018 ވަނަ އަހަރު ބޭއްވި ރިޔާސީ އިންތިހާބުގެ ކެމްޕެއިންގެ ފޯރި ފެނިގެން ދިޔަ ވަގުތުތައް ކޮމަންޑޫ ދާއިރާގެ ބައި އިލެކްޝަންގެ ކެމްޕެއިނުން ފެނިގެންދިޔަ އެވެ. އެހެންވެ މި ގޮނޑިވެފައިވަނީ "މަޖިލިސް ރަންގޮނޑި"އަށެވެ.
ޕީޕީއެމް އިން ނިންމާލީ ކޮމަންޑޫގައި ބޭއްވި ބޮޑު ހިނގާލުމަކުން
މި އިންތިހާބުގައި ޕީޕީއެމްގެ ޓިކެޓްގައި ވާދަކުރާ މޫސާ ފަތުހީ ކެމްޕެއިން ނިންމާލީ އޭނާ އުފަން ރަށް، އަދި ކޮމަންޑޫ ދާއިރާގެ މައި ރަށް ކޮމަންޑޫގައި ބޭއްވި ބޮޑު ހިނގާލުމުންނެވެ. ފަތުހީއަށް ތާއީދުކުރާ ގިނަ އަދަދެއްގެ ބަޔަކު މި އެއްވުމުގައި ބައިވެރިވެފަ އެވެ.
#HappeningNow
ކޮމަންޑޫ ދާއިރާގެ ބައި-އިލެކްޝަން ޕީޕީއެމް ކެނޑިޑޭޓް މޫސާ ފަތުހީގެ ކެމްޕެއިން ނިންމާލުމަށް ގިނަ އަދަދެއްގެ ރައްޔިތުންނާއިއެކު ފޯކައިދޫގައި ކުރިޔަށްދާ ފޯރިގަދަ ހިނގާލުމުގެ ތެރެއިން#tick2#VoteFathuhy#VoteRukah#MeeMageyRaajje#IndiaOut pic.twitter.com/SnFnIIfS6H— Progressive Party of Maldives (@ProgressPartyMV) February 4, 2022
އެއްވުން ނިންމާލުމަށްފަހު ޕީއެންސީގެ ރައީސް އަބްދުއް ރަހީމް އަބްދުﷲ(އަދުރޭ) ވިދާޅުވީ ކޮމަންޑޫ ދާއިރާގެ އިންތިހާބުގައި މިފަހަރު ވޯޓުލާން އެ ދާއިރާގެ މެމްބަރުން ބޭނުންވަނީ "ބިނާކުރުވަނިވި ފިކުރަށް"ކަމަށެވެ.
"ރައްޔިތުން ބުނަނީ މި ފަހަރު ގޮނޑި ހަދިޔާކުރާނީ މި ގައުމާއި މި ގައުމުގެ ރައްޔިތުންނާއި މާތްވެގެންވާ އިސްލާމް ދީނާއި މި ގައުމުގެ މިނިވަން ކަމާއި މި ގައުމުގެ އިސްތިގުލާލް ރައްކާކޮށްދޭން ލީޑަރަކަށޭ. އާދެ އެ ލީޑަރަކީ ޕީޕީއެމްގެ ރައީސް، ރައީސް އަބްދުﷲ ޔާމީން އަބްދުލް ގައްޔޫމް،" ކެމްޕެއިން ނިންމުމުގެ ގޮތުން ދެއްކެވި ވާހަކައިގައި އަދުރޭ ވިދާޅުވި އެވެ.
މި އިންތިހާބު ބޮޑުތަނުން ކާމިޔާބު ކުރެވޭނެ ކަމުގެ ފުރިހަމަ ޔަގީންކަން އެބަ އޮތް ކަމަށް ޕީޕީއެމް އިން ވަނީ ބުނެފަ އެވެ. މި އިންތިހާބުގެ ކެމްޕެއިނަށް ރައީސް ޔާމީން ވަނީ އެ ދާއިރާއަށް ވަޑައިގެން ވަރުގަދަ ކެމްޕެއިންތަކެއް ކުރައްވާފަ އެވެ. ހަންނާނުގެ ކެމްޕެއިންގައި ޕީޕީއެމް އަދި ޕީއެންސީގެ އިސް ބޭފުޅުން މި ކެމްފެއިން ނިންމުމާ ހަމައަށްވެސް ތިބީ އެ ދާއިރާގަ އެވެ.
ސުޕަރ މެޖޯރިޓީ ލިބިފަ އޮތް އިރުވެސް އެމްޑީޕީއަށް މި ގޮނޑި މުހިންމުވަނީ މި ދާއިރާ އެމްޑީޕީއަށް ނުލިބިއްޖެ ކަމުގައި ވަނީނަމަ ސަރުކާރު އޮރިޔާން ވާނެތީ: އަބްދުއްރަހީމް އަބްދުﷲ#tick2#VoteFathuhy#VoteRukah#MeeMageyRaajje#IndiaOut pic.twitter.com/jvBftOdJBC
— Progressive Party of Maldives (@ProgressPartyMV) February 4, 2022
ޕީޕީއެމްގެ ކެމްޕެއިން ހަރަކާތް އެ ދާއިރާގައި ހިމެނޭ ތިން ރަށާއި މާލޭގައި ވެސް މީގެ ކުރިން ގެންގޮސްފައިވެ އެވެ.
އެމްޑީޕީގެ ކެމްޕެއިން ނިންމާލަން ފޯކައިދޫގައި ބޮޑު ހިނގާލުމެއް
މި އިންތިހާބުގެ އެމްޑީޕީގެ ކެންޑިޑޭޓް މުހައްމަދު ރާޝިދުގެ ކެމްޕެއިން ނިންމާލީ ފޯކައިދޫގައި ބޭއްވި ބޮޑު ހިނގާލުމަކުންނެވެ. ރާޝިދުގެ އުފަން ރަށް ފޯކައިދޫގައި ބޭއްވި ފޯރިގަދަ އިންތިހާބުގައި ގިނަ އަަދަދެއްގެ ބަޔަކު ބައިވެރިވި އެވެ.
MDP KKBK 👏👏👏
Live: Foakaidhoo pic.twitter.com/lcFUlYst3t— Luke (@Lucasjalyl) February 4, 2022
އެމްޑީޕީން މި ކެމްޕެއިންގެ އެންމެ ފަހު ޖަލްސާ ބޭއްވީ އިއްޔެ އެވެ. އެ ޖަލްސާގައި އެމްޑީޕީގެ އެންމެ އިސް ލީޑަރު އަދި ރައީސުލް ޖުމްޙޫރިއްޔާ އިބްރާޙިމް މުހައްމަދު ސޯލިހާއި ރައީސް މުހައްމަދު ނަޝީދާއި ސަރުކާރު ކޯލިޝަނުގައި ހިމެނޭ ޖުމްހޫރީ ޕާޓީގެ ލީޑަރު ގާސިމް އިބްރާހިމާއި އަދާލަތު ޕާޓީގެ ރައީސް އިމްރާން އަބްދުﷲ ވަނީ ބައިވެރިވަޑައިގެންފަ އެވެ.
Campaign ninmaalumuge dua🤲#Agenda19 pic.twitter.com/8TWlDBfDIO
— Shaah (@YoosufShaah) February 4, 2022
ރައީސް ސޯލިހް އިއްޔެ ވިދާޅުވީ ސިޔާސީ މީހުންގެ ރާޑަރަށް މީގެކުރިން ކޮމަންޑޫ ދާއިރާ އަރާފައި ނުވާ ކަމަށާއި އެމްޑީޕީގެ ފިކުރު ނޫން ފިކުރަކަށް އެ ދާއިރާ ދާން ޖެހޭ ސަބަބެއްް ނެތް ކަމަށެވެ.
"އަޅުގަނޑު ގަބޫލުކުރާ ގޮތުގައި މި ދާއިރާގެ ވިސްނުން ބަދަލުކުރަންޖެހޭ ކަމެއް އަދި ނެތް. މި ދާއިރާ އަށް ކުރިއެރުން އަންނާނީ ހަމަ އަޅުގަނޑުމެން ފިކުރާ (އެމްޑީޕީ) އެކީގައި ތިބުމުން" ރައީސް ވިދާޅުވި އެވެ.
ހަންނާންގެ ކެމްޕެއިން ނިންމާލީވެސް ޔަގީންކަމާއެކު
އަލަށް އުފެއްދި މޯލްޑިވްސް ނޭޝަނަލް ޕާޓީގެ ކެންޑިޑޭޓް އަބްދުލް ހަންނާން އިދްރީސްގެ ކެމްޕެއިން ނިންމުމުގެ ގޮތުން މާލެގައި ވަނީ ބައްދަލުވުމެއް ބާއްވާފަ އެވެ. އޭގެ އިތުރުން އެ ޕާޓީގެ ރައީސް މުހައްމަދު ނާޒިމްގެ ހާއްސަ މެސެޖެއް ޝޯސަލް މީޑިޔާ މެދުވެރިކޮށް ވަނީ ދެއްވާފަ އެވެ. އަދި ދާއިރާގެ ތިން ރަށުގައިވެސް ހިނގާލުމާއެކު ހަރާކްތައް ކުރިއަށްގެންދިޔަ އެވެ.
ނާޒިމް ވިދާޅުވީ ކޮމަންޑޫ ދާއިރާގެ ބޭނުންތައް ފުއްދާދެވިގެންދާނީ އެމްއެންޕީގެ ކެންޑިޑޭޓު ހަންނާނު އިންތިހާބު ކޮށްގެނެވެ.
"ހަންނާނު ހޮއްވަވާ ދެއްވައިފިއްޔާ އުފާ ފާގަތިކަން ލިބިގެންދާނެ ކަމާމެދު އަޅުގަނޑު ޝައްކެތް ނުކުރަން،" ނާޒިމް ވިދާޅުވި އެވެ.
ކެމްޕެއިން ނިންމާލުމަށްފަހު އެމްއެންޕީއިންވެސް ބުނީ އިންތިހާބު ބޮޑުތަނުން ކާމިޔާބު ކުރެވޭނެ ކަމާމެދު ޝައްކު ނުކުރާ ކަމަށެވެ.
ކެމްޕެއިންގައި ތިން ޕާޓީންވެސް އެއް ޕާޓީން އަނެއް ޕާޓީއަށް ހޫނު ގަދަ ބަހުގެ ހަމަލާތައް ދީފައިވެ އެވެ.
އިންތިހާބުގެ ގާނޫނު ބުނާ ގޮތުން ވޯޓުލުމުގެ ކުރީ ދުވަހު ހަވީރު 6.00 ފެށިގެން ވޯޓުގެ ނަތީޖާ އިއްވުމާ ހަމައަށް ކެމްޕެއިން ކުރުމަކީ މަނާ ކަމެކެވެ.