މިއަދު ކުރިއަށްދާ ބައި އިލެކްޝަންސް ތަކުގައި ވާދަކުރައްވާ ކެންޑިޑޭޓުންނާއި ސިޔާސީ ޕާޓީތަކުންވެސް އިންތިޚާބުތަކާގުަޅޭ ޤާނޫނުތަކާ ޚިލާފު ކެމްޕޭން ކުރުމުގެ އެއްވެސް ޢަމަލެއް މަނާގަޑީގައި ނުހިންގުމަށް އިލެކްޝަންސް ކޮމިޝަނުން އިލްތިމާސް ކޮށްފި އެވެ.
އިލެކްޝަން ކޮމިޝަނުން މިގޮތައް އިލްތިމާސްކުރީ މިއަދު ހިނގަމުންދާ ކޮމަންޑޫ ދާއިރާގެ ބައި އިލެކްޝަނުގައި ވޯޓަށް ނުފޫޒު ފޯރުވުމަށް ފައިސާ ބަހަމުންދާ ކަމަށް އިދިކޮޅު ޕީޕީއެމްއިން ތުހްމަތު ކުރަމުންދަނިކޮށެވެ. އަނެއްކޮޅުން ޕީޕީއެމްގެ ސަޕޯޓަރުން ބުނަމުންދަނީ އިންތިހާބުން ބަލިވާނެކަން އިނގޭތީ އިންތިހާބުގެ ހަމަޖެހުން ނަގާލަން ޕީޕީއެމް މަސައްކަތް ކުރަމުންދާ ކަމަށެވެ.
މިއަދު ކުރިއަށްދާ ބައި އިލެކްޝަންސް ތަކުގައި ވާދަކުރައްވާ ކެންޑިޑޭޓުންނާއި ސިޔާސީ ޕާޓީތަކުންވެސް އިންތިޚާބުތަކާގުަޅޭ ޤާނޫނުތަކާ ޚިލާފު ކެމްޕޭން ކުރުމުގެ އެއްވެސް ޢަމަލެއް މަނާގަޑީގައި ނުހިންގުމަށް އިލްތިމާސް ކުރަން @MDPSecretariat @PPMaldives @MNP_Secretariat
— Elections Commission (@ElectionsMv) February 5, 2022
އިންތިހާބުގެ މިހާތަނަށް އައިރު ދެ އިންތިހާބީ ޝަކުވާއެއް ލިބިފައިވާ ކަމަށާއި ވޯޓުލުން ކުރިއަށްދަނީ ވަރަށް އޮމާންކޮށް ކަމަށް އިލެކްޝަންސް ކޮމިޝަނުން ވަނީ ބުނެފަ އެވެ. އިންތިހާބާ ބެހޭ ގޮތުން ޕީޕިއެމް އިން ވަނީ ޝަކުވާއެއް ހުށައަޅާފަ އެވެ.
އިންތިހާބުގެ ވޯޓުލުމަށް ބާކީ ގަޑިއެއްގެ އިރަށްވުރެ ކުޑަތަންވެފައިވާއިރު އިންތިހާބުގައި މިހާތަނަށް ގިނަ ބަޔަކު ވަނީ ވޯޓުލާފަ އެވެ. މިހާރު ކުރިއަށްދަނީ ކޮވިޑްގެ ބަލި ޖެހިފައިވާ މީހުންނާ ކަރަންޓީނުގައި ތިބި މީހުން ވޯޓުލުމެވެ. ނަމަވެސް މި ވަގުތުވެސް އެހެން މީހުނަށް ވޯޓުލެވޭނެ އެވެ.
ކޮމަންޑޫ ދާއިރާގެ ބައި އިލެކްޝަނުގެ ނަތީޖާއަށް މުޅި ރާއްޖޭގެ ޝައުގުވެރިކަން ވަނީ ހުއްޓިފަ އެވެ. ސިޔާސީ ޕާޓީތަކުން މި އިންތިހާބު ސިފަ ކުރަނީ ރިޔާސީ އިންތިހާބެއް ގޮތަށެވެ.