މިއަދު ކުރިއަށްދާ ކޮމަންޑޫ ދާއިރާގެ ބައި އިލެކްޝަނުގެ ވޯޓުލުމަށް ކަނޑައެޅި ވަގުތު 4.00 ޖެހުމާއެކު ބަންދުކޮށްފި އެވެ. ނަމަވެސް އެހެން އިންތިހާބުތަކެކޭ އެއްގޮތައް 4.00ގެ ކުރިން ކިޔުގައި ތިބި އެންމެނަށް ވޯޓު ލުމަށް ފުރުސަަތު ލިބިގެންދާނެ އެވެ.
ވޯޓުލުމަށް ކަނޑައަޅާފައިވާ ވަގުތު ހަމަވިއިރު ގިނަ ބަޔަކު ވަނީ ވޯޓުލާފަ އެވެ. ވޯޓު ގުނަ ފަށާނީ ވޯޓުލާ ނިމުނުތާ 30 މިިނެޓްފަހުންނެވެ. އެހެން ކަމުން 4.00 ގައި ވޯޓު ފޮށި ބަންދުކުރި މަރުކަޒުތަކުގައި 4.30ގައި ވޯޓު ގުނަން ފަށާނެ އެވެ.
އިންތިހާބުގެ މިހާތަނަށް އައިރު ދެ އިންތިހާބީ ޝަކުވާއެއް ލިބިފައިވާ ކަމަށާއި ވޯޓުލުން ކުރިއަށްދަނީ ވަރަށް އޮމާންކޮށް ކަމަށް އިލެކްޝަންސް ކޮމިޝަނުން ވަނީ ބުނެފަ އެވެ. އިންތިހާބާ ބެހޭ ގޮތުން ޕީޕިއެމް އިން ވަނީ ޝަކުވާއެއް ހުށައަޅާފަ އެވެ.
ކޮމަންޑޫ ދާއިރާގެ ބައި އިލެކްޝަނުގެ ނަތީޖާއަށް މުޅި ރާއްޖޭގެ ޝައުގުވެރިކަން ވަނީ ހުއްޓިފަ އެވެ. ސިޔާސީ ޕާޓީތަކުން މި އިންތިހާބު ސިފަ ކުރަނީ ރިޔާސީ އިންތިހާބެއް ގޮތަށެވެ