ހުސްވެފައިވާ ރައްޔިތުންގެ މަޖިލީހުގެ ކޮމަންޑޫ ދާއިރާގެ ގޮނޑިއަށް މެމްބަރަކު އިންތިހާބު ކުރަން މިއަދު ބޭއްވި ބައިލެކްޝަން އެމްޑީޕީގެ ކެންޑިޑޭޓް މުހައްމަދު ރާޝިދު (ރާޑޯ) ކަށަވަރުކޮށް މަޖިލިސް ރަންގޮނޑީގެ ޝަރަފު އޭނާ ހޯދައިފި އެވެ.
އޭނާ އިންތިހާބު ކާމިޔާބު ކުރިކަމަށް ދައްކަނީ ވޯޓުލާ މަރުކަޒުތަކުން ގުނި ވޯޓުތަކުންނެވެ.
މިއަދު ބޭއްވި ކޮމަންޑޫ ދާއިރާ ބައިލެކްޝަން ސަރުކާރު ހިންގައި މައި ޕާޓީ އެމްޑީޕީ ކެންޑިޑޭޓް ކާމިޔާބުކުރީ ޕީޕީއެމްގެ ކެންޑިޑޭޓް މޫސާ ފަތުހީއާ އެމްއެންޕީގެ ކެންޑިޑޭޓާ ބޮޑު ފަރަގަކުން މޮޅުވެގެނެވެ.
#KomandooDhaaira othee #Mdp aaeku. #Agenda19 maabodahves thafaathu. Congratulations Mp elect @Rashid141221 👏👏👏 pic.twitter.com/K46Du1ouNA
— Mohamed Shifaz🎈 (@mdpshippe) February 5, 2022
ރާޝިދުގެ އުފަން ރަށް ފޯކައިދޫގައި ބެހެއްޓި ދެ ފޮށިންވެސް ވެސް އޭނާ ކުރި ހޯދިއިރު ޕީޕީއެމްގެ ކެންޑިޑޭޓް ފަތުހީގެ އުފަން ރަށް އަދި ދާއިރާގެ މައި ރަށް ކޮމަންޑޫއިންވެސް ރާޝިދު ކުރި ހޯދި އެވެ. އަދި މަރޮށީގައި ބެހެއްޓި ފޮށިންވެސް އޭނާ ކުރި ހޯދި އެވެ.
ފޯކައިދޫ ވޯޓުފޮށި2
މުހައްމަދު ރާޝިދު – 195 ވޯޓް
މޫސާ ފަތުހީ – 202 ވޯޓް
ހަންނާން އިދްރީސް – 13 ވޯޓް
ފޯކައިދޫ ވޯޓުފޮށި 2
މުހައްމަދު ރާޝިދު – 123
މޫސާ ފަތުހީ – 204
ހަންނާން އިދްރީސް – 11
ކޮމަންޑޫ ވޯޓުފޮށި 1
މުހައްމަދު ރާޝިދު – 144 ވޯޓް
މޫސާ ފަތުހީ – 152 ވޯޓް
ހަންނާން އިދްރީސް – 37 ވޯޓް
ކޮމަންޑޫ ވޯޓުފޮށި 2
މުހައްމަދު ރާޝިދު – 159 ވޯޓް
މޫސާ ފަތުހީ – 92 ވޯޓް
ހަންނާން އިދްރީސް – 64 ވޯޓް
މަރޮށި ވޯޓުފޮށި
މުހައްމަދު ރާޝިދު – 161 ވޯޓް
މޫސާ ފަތުހީ – 95 ވޯޓް
ހަންނާން އިދްރީސް – 37 ވޯޓް
މާލޭ ފޮށި2
މަރޮށި ވޯޓުފޮށި
މުހައްމަދު ރާޝިދު – 238 ވޯޓް
މޫސާ ފަތުހީ – 178 ވޯޓް
ހަންނާން އިދްރީސް – 69 ވޯޓް
މާލޭ ފޮށި2
މަރޮށި ވޯޓުފޮށި
މުހައްމަދު ރާޝިދު – 238 ވޯޓް
މޫސާ ފަތުހީ – 178 ވޯޓް
ހަންނާން އިދްރީސް – 69 ވޯޓް
މާލޭ ފޮށި1
މަރޮށި ވޯޓުފޮށި
މުހައްމަދު ރާޝިދު – 280 ވޯޓް
މޫސާ ފަތުހީ – 242 ވޯޓް
ހަންނާން އިދްރީސް – 88 ވޯޓް
އިންތިހާބު ރާޝދު ކާމިޔާބުކުރީ 240 ވޯޓުގެ ތަފާތަކުންނެވެ. ރާޝިދުއަށް މި އިންތިހާބުގައި ޖުމްލަ 1،401 ވޯޓު ލިބިފައިވާއިރު ޕީޕީއެމްގެ ފަތުހީ އަށް ލިބުނީ 1،161 ވޯޓެވެ. އަދި އިންތިހާބުގައި އެމްއެންޕީގެ ކެންޑިޑޭޓް ހަންނާނަށް 232 ވޯޓު ލިބުނެވެ.
މި އިންތިހާބަކީ ފަހުގެ ތާރީހެއްގައި ބޭއްވި އެންމެ ފޯރިގަދަ ބައި އިލެކްޝަނެވެ. އިންތިހާބުގެ ކެމްޕެއިންގައި ފެނިގެން ދިޔައީ ރިޔާސީ އިންތިހާބެކޭ އެއްފަދަ މަންޒަރުތަކެވެ. މި އިންތިހާބުގައި އެމްޑީޕީގެ ކެންޑިޑޭޓަށް ސަރުކާރު ކޯލިޝަނުގައި ހިމެނޭ އަދާލަތު ޕާޓީ އާއި ޖުމްހޫރީ ޕާޓީން ވެސް ކެމްޕެއިންކުރި އެވެ. ޕީޕީއެމް ބުނަމުން ދިޔައީ މި އިންތިހާބުގައި ސަރުކާރުގެ ސަައިޒް ދައްކާލާނެ ކަމަށެވެ. އަދި އެމްޑީޕީން ބުނަމުން ދިޔައީ މި އިންތިހާބުގެ ނަތީޖާ މުޅި ސަރުކާރަށްވެސް މުހިންމުވާ ކަމަށެވެ.
Foakaidhoo 👏👏👏 pic.twitter.com/Ri5C8aIrbc
— Maimoon (@mrsays_) February 5, 2022
ރާޝިދު އިންތިހާބުން ހޯދި ކާމިޔާބީއަށް އެކި ފަރާތްތަކުން ދަނީ މަރުހަބާ ކިޔަމުންނެވެ. ނަމަވެސް އަދި އިންތިހާބުގެ ވާދަކުރި އެހެން ދެ ކެންޑިޑޭޓުން އަދި އިންތިހާބުގެ ނަތީޖާ ގަބޫލުކުރިކަމެއް ހާމަކޮށްފައެއްނުވެ އެވެ.
ކޮމަންޑޫ ދާއިރާގެ އިންތިހާބު ކާމިޔާބު ކުރުމާ ގުޅިގެން އެ ދާއިރާގެ ރަށްތަކުގައި އާއި މާލޭގައި އެމްޑީޕީން އުފާ ފާޅުކުރަމުންނެވެ.
ކޮމަންޑޫ ދާއިރާގެ ބައި އިލެކްޝަން ބާއްވަން ޖެހުނީ އެ ދާއިރާގެ މަޖިލީހުގެ ގޮނޑި ފުރުއްވަމުން ގެންދެވި ހުސައިން ވަހީދު އަވަހާރަވުމާ ގުޅިގެންނެވެ. ކޮމަންޑޫ ދާއިރާގެ މެމްބަރު ހުސައިން ވަހީދު އަވަހާރަވީ 13 ޑިސެމްބަރ 2021 ވަނަ ދުވަހުގެ ރެ އެވެ. ހުސެއިން ވަހީދު އަވަހާރަވީ ކެންސަރަށް ފަރުވާ ހޯއްދަވަމުން ގެންދަވަނިކޮށް އޭޑީކޭ ހޮސްޕިޓަލުގައެވެ. އަވަހާރަވިއިރު މެމްބަރު ވަހީދުގެ އުމުރުފުޅަކީ 53 އަހަރެވެ. ހުސެއިން ވަހީދު 2019 ވަނަ އަހަރު އެ ގޮނޑިއަށް އިންތިހާބުވީ އެ ދާއިރާގެ ރައްޔިތުންގެ ބޮޑު އަގުލަބިއްޔަތަކުންނެވެ.