ޏ.ފުވައްމުލަކު އަތޮޅު ހޮސްޕިޓަލުގައި ފަރުވާ ދެމުން ދިޔަ ހާލުދެރަ ބަލި ކުއްޖަކު އެމްއެންޑީއެފް ސަދަން އޭރިއާ ކޯސްޓްގާޑް ސްކޮޑްރަންގެ އެހީތެރިކަމާ އެކު ސ.ހިތަދު އަށް ގެންގޮސް ދީފި އެވެ.
ރޭ ދަންވަރު 02:10 އެހާކަށްހާ އިރު ކޯސްޓް ގާޑްގައި ހިތަދު އަށް ގެންގޮސްދީފައި ވަނީ ޏ.ފުވައްމުލަކު ދަނޑިމަގުގެ، އައިމިނަތު މާޔާ ޙުސެއިން ބަޝީރު، 8، އެވެ.
އެ ކުއްޖާ ހިތަދު އަށް ގެންގޮސް ދީފައި ވަނީ ކުއްލި ގޮތަކަށް އެޕެންޑިކްސްގެ އޮޕަރޭޝަނެއް ކުރުމަށް ހިތަދޫ ރީޖަނަލް ހޮސްޕިޓަލަށް ގެންގޮސް ދިނުމަށް ފުވައްމުލަކު އަތޮޅު ހޮސްޕިޓަލުން ސަދަން އޭރިއާގެ އެހީތެރި ކަމަށް އެދުމުންނެވެ.
މާޔާ އަށް މިހާރު އަންނަނީ ހިތަދޫ ރީޖަނަލް ހޮސްޕިޓަލަށް ފަރުވާ ދެމުންނެވެ.