ކުރިއަށް އޮތް ރައްޔިތުންގެ މަޖިލީހަށް ހޮވިވަޑައިގެންފި ނަމަ، މިނިވަން ކެންޑިޑޭޓެއްގެ ގޮތުން މަސައްކަތް ކުރައްވައި ނަމޫނާ ދައްކަވާނެ ކަމަށް އަމިއްލަ ގޮތުން ހުޅުދޫ ދާއިރާ އަށް ކުތިމަތިލައްވާ ޑރ. އިބްރާހީމްދީދީ (ޑރ. ޑީޑީ) ވިދާޅުވެއްޖެ އެވެ.
ެއެމްޑީޕީ މެމްބަރެއްގެ ގޮތުގައި ހުންނެވި ޑރ. ޑީޑީ ވިދާޅުވީ މަޖިލީހަށް ހޮވިވަޑައިގެންފި ނަމަ، މިނިވަން މެމްބަރެއްގެ ގޮތުގައި މަސައްކަތް ކުރާ ގޮތާއި މަސައްކަތް ކުރެވޭނެ ގޮތް ދައްކައި، ރައްޔިތުންގެ ފައިދާއަށާއި ސަރުކާރު ޒިންމާދާރު ކުރަން ނަމޫނާ ދައްކަވާނެ ކަމަށެވެ.
އޭނާ ވިދާޅުވީ މަޖިލީހަށް ކުރިމަތިލައްވަން ނިންމެވީ ވެސް، މިނިވަން މެމްބަރެއްގެ ގޮތުގައި ނޫނީ މިހާރު މަޖިލީހުގައި ރައްޔިތުންގެ ހައްގުގައި ޒިންމާދާރުކަމާ އެކު މަސައްކަތް ކުރެވޭނެ ކަމަކަށް ގަބޫލް ނުކުރައްވާ ކަމަށެވެ.
ޑރ. ޑީޑީ އަދި ވިދާޅުވީ އޭނާގެ އުފަން ރަށް ހުޅުދޫ މަޖިލިސް ގޮނޑި އަށް ވާދަ ކުރެއްވުމާއި ހުޅުދޫގައި އޭނާގެ ކްލިނިކެއް ހުޅުވުމާ އެއްވެސް ގުޅުމެއް ނެތް ކަމަށެވެ. އަދި އެއީ އޭނާގެ ޕްރޮފެޝަނަލް މަަސައްކަތަކާއި ސިޔާސީ ކެރިއަރާ އެއްވެސް ގުޅުމެއް ނެތް ކަމަށް ވިދާޅުވި އެވެ.
އޭނާ ވިދާޅުވީ މަޖިލީހަށް ހޮވުނަސް، ނުހޮވުނަސް، އޭނާގެ ޕްރޮފެޝަނަލް ދާއިރާ އިން ރައްޔިތުންނަށް ހިދުމަތް ކުރެއްވުމުގައި އަބަދު ވެސް ދެމި ހުންނަވާނެ ކަމަށެވެ.
ޑރ.. ޑީޑީގެ ކެމްޕޭން ރަސްމީކޮށް ލޯންޗް ކުރަން ހަމަޖެހިފައި ވަނީ އަންނަ ހޮނިހިރު ދުވަހު އެވެ.