މިހާތަނަށް ވެސް އިންސްޓަގްރާމްގައި އެންމެ ގިނަ ފޮލޯވަރުންގެ ރެކޯޑް އޮތް ޕޯޗްގަލްގެ މަޝްހޫރު ފުޓްބޯޅަ ތަރި ކްރިސްޓިއާނޯ ރޮނާލްޑޯ ފޮލޯވަރުންގެ އަދަދު އަނެއްކާ ވެސް ބޮޑުތަނުން މައްޗަށް ޖެހިލައިފި އެވެ.
އޭނަގެ ފޮލޯވަރުންގެ އަދަދު މިހާރު 400 މިލިއަނަށް އަރަ އެވެ. ރޮނާލްޑޯ ނޫނީ އަދި އެއްވެސް މީހަކަށް މެޓަގެ ދަށުން ހިންގާ އިންސްޓަގްރާމްގައ މި ވަރުގެ އަދަދަކަށް ފޮލޯވަރުން ހަމަކުރެވިފައެއް ނުވެ އެވެ.
ދުނިޔޭގެ އެންމެ ނުފޫޒު ފުޓްބޯޅަ ތަރިންގެ ތެރޭގައި ހިމެނޭ ރޮނާލްޑޯ، 37، އަކީ އިންސްޓަގްރާމްގެ އިތުރުން ޓްވިޓާ އާއި ފޭސްބުކްގައި ވެސް ވަރަށް ހަރަކާތްތެރި މީހެކެވެ. އޭނަގެ ޓްވިޓާ ފޮލޯވަރުންގެ އަދަދަކީ މިހާރު 97.2 މިލިއަނެވެ. އަދި ފޭސްބުކް ފޮލޯވަރުންގެ އަދަދަކީ 150 މިލިއަނެވެ.