ރާއްޖޭގެ ގައުމީ އެއާލައިން މޯލްޑިވިއަނުން ކުރާ އެތެރޭ ދަތުރުތަކުގައި ފުރާ މީހުން، އަންނަ މަހުގެ އެކަކުން ފެށިގެން ފުރުމުގެ ދެ ގަޑި އިރު ކުރިން ޗެކިން ކުރަން ޖެހޭ ގޮތަށް ހަމަޖައްސައިފި އެވެ.
އައިލެންޑް އޭވިއޭޝަން ސާވިސް (އައިއޭއެސް) އޮޕަރޭޓް ކުރާ މޯލްޑިވިއަނުން ބުނީ ފުރުމުގެ ދެ ގަޑި އިރު ކުރިން ޗެކިން ކުރަން ޖެހޭ އިރު، ޕެސެންޖަރުން ފުރުމުގެ އެއް ގަޑި އިރު ކުރިން ޗެކިން ކައުންޓަރު ބަންދު ކުރާނެ ކަމަށެވެ.
އެހެމްވެ މިކަމަށް ޕަސެންޖަރުން ސަމާލުކަން ދިނުމަށް މޯލްޑިވިއަނުން ވަނީ އެދިފަ އެވެ.
މިހާރު ހަމަޖެހިފައި އޮންނަ ގޮތުން ފުރުމުގެ 45 މިނިޓް ކުރިން ޗެކިން ކުރަން ޖެހެ އެވެ.
މޯލްޑިވިއަނުން މިފަދަ ބަދަލުތަކެއް ގެންނަން ނިންމި އިރު، ފްލައިޓްތައް ފަހަކަށް އައިސް ޑިލޭވާ މައްސަލައަކީ ޕެސެންޖަރުންގެ ވަރަށް ބޮޑު ޝަކުވާއަކަށްވެފައިވެ އެވެ.