އެމްޑީޕީގެ ޗެއާޕާސަންގެ މަގާމަށް އިކޮމިކް މިނިސްޓަރު ފައްޔާޒު އިސްމާއީލަށް ތާއީދުކޮށް އެމްޑީޕީގެ ޕާލަމަންޓްރީ ގުރޫޕްގެ ބައެއް މެމްބަރުންނާއި ރަށްރަށުގެ ކައުންސިލް ބައެއް މެމްބަރުން ތެދުވެއްޖެ އެވެ.
ޗެއާޕަސަން ކަމުގެ މަގާމަށް ފައްޔާޒުއާ ވާދަކުރައްވަނީ އެ ޕާޓީގެ ތަރުޖަމާނު އިމްތިޔާޒް ފަހުމީ އެވެ. ފައްޔާޒުއަށް ތާއީދުކުރާކަން މިހާތަނަށް ހާމަކުރި ބައެއް މަޖިލިސް މެމްބަރުންގެ ތެރޭގައި ކުރިންވެސް ގިނަ ބަޔަކު ގަބޫލުކުރި ގޮތައް ހިމެނެނީ ރައީސް އިބްރާހިމް މުހައްމަދު ސޯލިހްގެ ފެކްޝަނުގެ މެމްބަރުންނެވެ. އެގޮތުން އައްޑޫ މީދޫ ދާއިރާގެ މެމްބަރު ރޮޒައިނާ އާދަމާއި ބާރަށު ދާއިރާގެ މެމްބަރު އަހްމަދު އަބްދުﷲ އާއި ގަމު ދާއިރާގެ މެމްބަރު މުހައްމަދު ވިސާމް ވަނީ ފައްޔާޒުއަށް ތާއީދުކުރާކަން ހާމަ ކުރައްވާފަ އެވެ.
MDP ge chair person kamah @faya_i ✅ pic.twitter.com/RrBWSqVWmQ
— Ahmed Abdulla (@ahmedabdulla2a) February 14, 2022
ރަށު ކައުންސިލްގެ ރައީސުންގެ ތެރެއިންވެސް ބައެއް މެމްބަރުން ގެންދަނީ މި އިންތިހާބުގައި ތާއީދުކުރާނެ ކެންޑިޑޭޓުން ހާމަކުރައްވަމުންނެެވެ. އެގޮތުން ދިއްގަރު ކައުންސިލްގެ ރައީސް މުހައްމަދު ނިޝާން ވަނީ ފައްޔާޒުއަށް ތާއީދުކޮށް އެކަން ޓުވީޓަރގައި ހާމަކުރައްވާފަ އެވެ.
ޕާޓީއަށް މިވަގުތު ބޭނުންވަނީ ހިންގުންތެރި ލީޑަރެއް!#MifaharuFayaa ✅ pic.twitter.com/t0G6MC3zo6
— Ahmed Nishan (@nishandhiggaru) February 14, 2022
ޗެއާޕާސަންކަމުގެ އިންތިހާބަށް ކުރިމަތިލުމުގެ މުއްދަތުގެ ހަމަވުމުގެ ކުރިންވެސް މި އިންތިހާބުގެ ފޯރި ގަދަވެފައިވާއިރު އިންތިއަށް ތާއީދުކުރާ މަޖިލިސް މެމްބަރުންނާއި އާއްމުން ގެންދަނީ ކެމްޕެއިން ކުރަމުންނެވެ.